Land un Leit’
In unnern lie’m[2] deitschen Land,
Do leit ä Land’l, Viel’n bekannt;
Es is nett gruuß un nett reich
Un doch is ihm kä Annersch[3] gleich.
Schattige Wälder mit Tannenduft,
Un in d’n Barring Silwer und Quarz, —
Dis Alles is in unnern „Harz“.
Frehliche Bewuhner, geniegsaam d’rzu,
Friedlich zu änanner zu jeder Zeit,
Schteets zu än guten Witz bereit,
Gefiehlvull bei Alles, in Lääd[6] un Frääd[7],
Immer in greßter Zufriedenhäät;
Gaar mannich schiene Lied erschallt.
Wie’s frieher is in Harz gewasen
Hot m’r wull in daar Weis’ gelasen:
Unnere Vorfahr’n betriem Fischerei un Jagd,
Un schalten dorfte de Fra nett laut,
Legte sich d’r Mann hin of d’r Bar’nhaut[9],
Wenn sie mußte es Fald beschtell’n,
Sugaar Holsschneiden un Schtuk’n schpell’n[10].
[136]
Do hatte sich im Ewerharz wos Annerscht eingefunden:
Aus farne fremden Sachsenland —
Wu Gemiethlichkäät waar längst bekannt —
Do trofen viele Arb’ter ein,
Un jedes Loch wos waar gemacht,
Tääft’nse[13] schpäter zum Schacht.
Wud’rnoch nu gescharft, un a nu getracht,
D’r Ewerharz hattes zum Vorschein gebracht;
Hauptnahrungszweig bis in diss’r Schtunn,
Un schtols is Jeder of sän Beruf,
Zu dan ne Gott äänst erschuf.
Un frädig is jedes Harzersch Gesicht
Un Aeäns, wu Käner kimmt uns noog,
Is unnere schiene Mutterschprooch[15];
Kä Engelsch, Französisch oder Latein
Kimmt je in unnerer Schprooch mit ’nein.
Is m’r verschieden mit än Ausdruck zur Hand, —
Un Alles klingt su fein un su zaart
Wie käne Schprooch in ihrer Aart.
Su saan[17] mir oft oa schtatt’s a,
Denn wie aus d’r bieblischen Geschicht’ bekannt,
Hatten die Mänschen do zu Land
Die Obsicht un sich viergenumme,
Of lächte Aart in d’n Himmel zu kumme:
Un ’runtergucken in’s Waltgetimmel.
Doch pletzlich an än schiene Tog
Hatte Jeder äne annere Schprooch;
Do wuur ä Wirwarr un ä Schreie
Do hallef kä Baten un kä Singe,
Dänn d’n Himmel soll sich Jeder of Aarden erringe, —
Un d’r Thorm zu Babel blieb su schtien,
Die Mänschen mußten ausänannder giehn.
Un blieb schluchzend beim Thorm nu schtiehn
Un guckte nong Himmel und schluchzte laut:
„Ach liewer Gott, ich hoob nett gebaut, —
Dänn gemiethlich un in größter Ruh’
Drim verga mir, wos ich hoob gethan
Un sah mich wieder in Gnaden aan!“
Un Gott schprooch: „Du bist erhäert[20],
Weil Du d’n Frieden nett host geschtäert,
Wu Käner soll nett tippen draan.
Un wenn nu schwäär ist Dei Hartz[22]
Un Dich peinigt grußer Schmartz,
Su blick’ getruust zu mier mant ’rauf,
[138]
’s gitt nu in unnerer Schproch ä Wort —
M’r häerts heifig hie in Ort —,
Ae Wort, was all’ von de Alten
Zu jeder Zeit wuur huuch[23] gehalten;
Es oft von Barring und aus Wäldern dringt, —
Un glicklich wenn aus grußen Hauf
Daar Gruß uns gilt, daar hääßt: „Glick auf!“
„Glick auf!“ erschallt in finstrer Nacht,
D’r Harzer Barkmann daar muß ’naus,
Ihn schreckt nett des Nachtes Graus,
Haar kännt gena ju seine Pflicht,
’s lockt sei Begläter, sei Gruumlicht.
Un freegt sich: „Kumm ich a zurick?“
„Glick auf!“ erschallt’s in tiefen Schacht
Wänn d’r Knappe nu die Einfahrt macht,
Un frädig grießt haar stets do d’rauf,
Dänn wos die Hartzen hie veräänt[28],
Wos nie schlacht waarn kann gemäänt,
Dos is, wänn aus vull’n Hauf
Erschallt des Harzersch Gruß: „Glick auf!“
Su schteigt mit geschwarzten Aangesicht
D’r Knappe wieder in d’r Heh’
Un vergißt derbei sei mannichfaches Weh;
Ihn kimmert nett dos Getoob in Schacht,
Su guckt’r arscht zum Himmel hienauf
Un schpricht sei dankbaar: „Glick auf!“
Un trifft’r die Seining frisch un gesund,
Su preißt’r Gott mit Hartz un Mund,
Thutt’s schteets noch alter Sitt’ un Weis’;
Dänn wu kä Glaam[29] meh is in Haus,
Do sieht’s gaar eed un traurig aus.
Drim Mannicher dennu awull[30] schpricht:
Wos nu d’r Barkmann gewinnt in Schacht,
Von Hittenmann ward’s arscht rään gemacht;
Trotz schlachten Damp un Feiersgluth
Verliert’r doch niemools d’n Muth.
D’r Hittenmann hellt vor’m Feier Wacht, —
Su giehnse[31] Bäde Hand in Hand,
Nahnt[32] schtieht Bark- un Hittenmannsschtand.
Von Bäde gilt, wos Schiller schpricht
„Von der Stirne heiß
Rinnen muß der Schweiß,
Soll das Werk den Meister loben,
Doch der Segen kommt von Oben!“
Su schtieht’s a gut of Gruub’ un Hitt’.
Trotz schwärer Arb’t in Hitt’ un Schacht
D’r Harzer gaarn sich lustig macht;
Of äner Zeit is drim Jeder beschteiert
Un „Knappschaftsfast“, dis äne Wort
Brängt mannige schwäre Gedanken fort;
Viel frädiger erklingt do aus d’n Hauf
In daar Zeit daar schiene Gruuß: „Glick auf!“
Ward bluus von diss’n Tog geschproch’n
Un Jeder is vuller Frääd.
Die Frans suung ihr bestes Klääd[34],
Dänn gitt[35] d’r Mann in Uneform
Dänn gilt’s ’s Harzersch Ehr’ntog,
Su schtieht die Fra nett hinten nog.
Un is vor’n Fast vorbei die Nacht,
In unnern Barring Alles kracht;
Dänn die Langschlafer[36] zum Aufschtiehn ruft.
Dänn hääßts: „Rasch auf, unverdrossen,
’s Barkfast[37] ward eingeschoss’n;
Nu eilig sich zuracht geschtutzt
Un wänn dann an Nachmittog
An greßten ward dos Menschengewog
Un wenn es hääßt bei Klään un Gruuß:
„D’r Aufzug gitt balle luus!“
Wänn haar bein Kanonedunner
Vergniegt sich reibt seine Händ, —
’s is ju dis sei Element.
[141]
Un is d’r Zug nu zu Aend gefiehrt,
M’r sieht gewehnlich gruße Schaar’n
Bark- un Hittenleit sich paar’n;
Sie giehn zusamme Arm in Arm
Un dricken ihre Händ su warm, —
Su hääßts schteets doch: „Bruder — Jung!“
Bein Barkmann sieht m’rsch an d’n Huut[39]
Wenns ne gefellt su richtig guut;
Dänn sitzt’r hinten oder an d’r Seit’,
Un dos bei Dan’[40] of d’r Hitt
Nie gesundes Aussah’n gitt,
Un waarn Dänn de Backen ruth,
Su wäß m’r, jetzt rollt es Bluut.
Un wos Alle immer moong,
Alle die von d’r Gruub’ un Hitt’, —
Is, wänns zum Friehschtick[41] gitt.
Alles wos do ward gebuten:
Un Gleserklang bei fruhe Lieder singe
Häert m’r von Dan’, die sinst miehsaam ringe.
Un neigt sich zu Aend dos schiene Fast,
Su verbrängt m’r gewehnlich d’n letzten Rast
Un gitt gemiethlich sän Heim[42] wieder zu.
’s schpricht wull Mannicher: „Wie wäärsch doch schien,
Kännte es Fast noch mool vor sich giehn!“
Doch trotzdan sieht m’r kä marrisch[43] Gesicht
Es gitt dann wieder in schlichter Tracht
D’r Knappe zur Einfahrt hin zum Schacht;
Ihn schreckt Nischt, haar thut seine Pflicht
Un fest helt’r sei Gruumlicht.
Mit kräfting Schwinge d’r Feistelschlook[44],
Un Dunnerknall un Pulverdampf
Sein Zeing[45] bei dan Aardenkampf.
Un vor d’n Uf’n[46] in Feierschgluth
Un blickt dennein mit frehling Gesicht
Wänn geleitert und rään ’s Metall vierbricht.
Haar stieht trei feste Tog un Nacht
Un hellt als Harzer treilich Wacht,
„Laab wull, du trauter Thoolsgrund[48]!“
Drim möchte niemools häern auf
Daar alte Harzer Gruß: „Glick auf!“
Su lang wie hie in Fald un Wald
Die Tanne griene[49], de Wasser fließen
Un reiche Gäng’ sich erschließen, —
Do kann d’r Harzer mit Vertraue
D’r Zukunft getruust entgeeng schaue.
- ↑ Leit’ ＝ Leute.
- ↑ lie’m ＝ lieben.
- ↑ Annersch ＝ Anderes.
- ↑ Huuche ＝ hohe.
- ↑ Barge ＝ Berge.
- ↑ Lääd ＝ Leid.
- ↑ Frääd ＝ Freude.
- ↑ Obwachslung ＝ Abwechslung.
- ↑ Bar’nhaut ＝ Bärenhaut.
- ↑ schpell’n ＝ spalten.
- ↑ Lech’r ＝ Löcher.
- ↑ Aard ＝ Erde.
- ↑ Tääft’nse ＝ tauften sie.
- ↑ Reiches ＝ reiches Erz.
- ↑ Mutterschprooch ＝ Muttersprache.
- ↑ Geengschtandt ＝ Gegenstand.
- ↑ saan ＝ sagen.
- ↑ ha ＝ her.
- ↑ Aener ＝ Einer.
- ↑ erhäert ＝ erhört.
- ↑ haan ＝ haben.
- ↑ Hartz ＝ Herz.
- ↑ huuch ＝ hoch.
- ↑ schtarmt ＝ stürmt.
- ↑ verlett ＝ verläßt.
- ↑ Sänn ＝ Seinen.
- ↑ trie’m ＝ trüben.
- ↑ veräänt ＝ vereint.
- ↑ Glaam ＝ Glaube.
- ↑ awull ＝ auch wohl.
- ↑ giehnse ＝ gehen sie.
- ↑ Nahnt ＝ nahe.
- ↑ Sääng ＝ Segen.
- ↑ Klääd ＝ Kleid.
- ↑ gitt ＝ geht.
- ↑ Langschlafer ＝ lange Schläfer.
- ↑ Barkfast ＝ Bergfest.
- ↑ Wunner ＝ Wunder.
- ↑ Huut ＝ Schachthut: Kopfbedeckung.
- ↑ Dan’ ＝ Denen.
- ↑ Friehschtick ＝ Festessen.
- ↑ Heim ＝ Hause.
- ↑ marrisch ＝ mürrisch.
- ↑ Feistelschlook ＝ Feustelschlag.
- ↑ Zeing ＝ Zeugen.
- ↑ Uf’n ＝ Ofen.
- ↑ bewring ＝ bebendem.
- ↑ Thoolsgrund ＝ Thalesgrund.
- ↑ griene ＝ grünen.