Auf die Beerdigung meines Schwähers

Auf die Beerdigung meines Schwähers.
  15. Juni 1878.

Von Erda sind mer woara,
Zum Stearba äll geboara.
Jetz gruab^[1] und schlôf ins Mueters Bett,^[2]
Dei’ Heimat ischt dött doba dött.^[3]

5

Und uff deim Grab rum steck i

Diar Nägala^[4] zuar Decki
Und nô ma’n alta guata Brouch
Mittlata nei’^[5] en Rausastrouch.

Glaub, daß mer dei’ gedenket

10

Und s Tüechle ge der schwenket,

Und wenn a Tau am Räusle blitzt,
Daß üs a Thrär^[6] am Wimper sitzt.

---

1. Ruhe aus.
2. Wurde im Grab seiner Frau beigesetzt.
3. Dort oben.
4. Nelken.
5. Mitten hinein.
6. Thräne.