Sol ich nv v̾ſtv̄mē

Sol ich nv v̾ſtv̄mē·
dur dē wint̾ lang·
deſ war ich wil vns tvmmē·
ſingē diſen ſang·
mirſt ein hohgemvͤte
ī minē lip geflogē·
vō ir dú wibes gvͤte
ie was vnbetrogē^{[WS 1]}·
ſiſt mir zallen zitē ī dem ſinne·
der ich nie v̾gas·
wā ſi wēdet mīne mit vnmīne
durch^{[WS 2]} ſtetē has·
Si kan trurē ſwachē
das iſt mir wol kvnt·
ach ſroͤlich lachē
kā ir rot̾ mvnt·

Si mag mir wol bꝛingē·
froͤiderichen mv̊t·
dar nach wolt ich ir ſingē
ſwie ſi mir ioch tv̊t·
es wiget vngeliche mir gegē ir·
ich bin ir ſicherliche^{[WS 3]}·
holder dāne ſi mir·
mīne wis geliche mit d̾ wâge
ſit dc ich bin din·
neina tůs ê mich der zit betrage
ſvͤſſe troͤſt̾in·
Si kan trurē ſwachē
das iſt mir wol kvnt·
ach ſroͤlich lachē
kā ir rot̾ mvnt^{[WS 4]}

Gib ein liebes ende·
mir vil ſelig wib·
an alle miſſewēde·
lebt din kúſcher lib·
lieb voꝛ allē vꝛowē
ſchoͤne mīneklich·
la dine tvgēde ſchowē
vn̄ troͤſte mich·
tůſt dv dc ſo bin ich froͤideb̾e
mines h̾zen trut·
lieb nv wēde mine ſende ſw̾e
ſtille vn̄ vb̾lut·
Si kan trurē ſwachē
das iſt mir wol kvnt·
ach ſroͤlich lachē
kā ir rot̾ mvnt^{[WS 5]}

Anmerkungen (Wikisource)

1. Vorlage: vnbetogē.
2. Vorlage: der ich.
3. Vorlage: ſicherlichē.
4. Vorlage: Si kan·
5. Vorlage: Si kan· ⁊c̾·