Minne fuͤget dike leit (Mit originalen Lettern)

Minne fuͤget dike leit·
mit vil ſender arbeit·
der min h̾ze ein wund̾ treit·
mīne dú hat den gewalt·
wil ſi ich wirde an froͤiden balt·
anders ich bin abe gezalt·
mīne ſw̾ dich mīnet·
vn̄ dich minnē mv̊s·
der iſt vnu̾ſinnet·
wirt ime kvmbers bv̊s·
er v̾midet dinē grv̊ſ·
Ich bin din·
minne habe genade min·

Mich gruͤſte ein vil roter mvnt·
mīnekliche zeiner ſtvnt·
ſit wc ie min herze wunt·
alſo traf dú mīne mich·
mit ir ſtrale grīmeklich·
ī min h̾ze tǒgēlich·
vō der mīne grv̊ſſe·
mir dv́ not geſchach·
dú mir da ſo ſv̊ſſe·
dur min h̾ze b̋ch·
owe dc ichs ie geſach·
Jch bin din·
minne habe genade min·^{[WS 1]}

IR zimt wol ſwas ſi getůt·
ſi iſt mit zúhten hohgemv̊t·
voꝛ vntete wol behůt·
mīne hat gehuſet dar·
ſi iſt nach ſchoͤne lieht gevar·
an ir iſt der wunſch vil gar·
ſwer die zit v̾t́ben·
bi der liebē ſol·
der mv̊s allē wibē
iemer ſpꝛechē wol·
wan ſi iſt aller tvgende vol·
Ich bin din·
minne habe genade min·^{[WS 2]}

Anmerkungen (Wikisource)

1. Vorlage: Jch bin din·
2. Vorlage: Jch bin din·