Komē iſt d̾ wint̾ kalt· wafena d̾ leide

Komē iſt d̾ wint̾ kalt·
wafena d̾ leide·
der vns twīget blv̊mē vn̄ kle·
lǒbes hat er vil gevalt·
ich was vf d̾ heide·
da ſiht mā dē rif vn̄ ǒch dē ſne·
we mir we· wes froͤwe ich mich·
dc ich ab̾ ſinge·
het ich ſīne ſo ſwige ich·
wā dc mich gedinge·
froͤwet ſon geſvnge ich niem̾ me·
Hvnd̾t wūdert wa ſi ſi·
in dē mv̊te iſt mir dú gůte
ſteteklichē bi·

Wer geſach ie ſchoner wib·
ald̾ bas geſchaffē·
dan als ich ſi zeinē male ſah·
ir vil mīneklich̾ lip·
hv̊b gen mir ſin klafen·
hoͤꝛent wie div tvgenderiche ſpꝛach·
ach vn̄ ach· wie tvmb ir ſint·
went irſ iemer t́ben·
úwer dienſt niht froͤide git·
hohgemv̊tē wibē
gant ir tůt vnſ michel vngemach·
Hund̾t wūd̾t wa ſi ſi·
in dē mv̊te iſt mir dú gůte
ſteteklichē bi·^{[WS 1]}

Do dú rede ergieng alſus
mir begv̄de leidē·
wā mir wc ir hulde gar verſeit·
ich ſpꝛach ſolt ich ane kvs·
hinnā vō ú ſcheidē·
ſi ſpꝛach los er weis wes ars er treit·
mir iſt leit dc iem̾ mā·
ſol dar an gedenkē·
alder der niht fůge kā·
ia lies ich in henkē·
nv ê dc er růrte an min kleit·
Hundert wūd̾t wa ſi ſi·
in dē mv̊te iſt mir dú gůte
ſteteklichē bi·^{[WS 2]}

Anmerkungen (Wikisource)

1. Vorlage: Hund̾t wūd̾t·
2. Vorlage: Hundert wūd̾t·