Doctor Brants Narrenschiff/Von thörichtem Tausch

« Von Gottes Plag und Strafe Sebastian Brant
Doctor Brants Narrenschiff
Von Vater und Mutter »
fertig
Fertig! Dieser Text wurde zweimal anhand der Quelle Korrektur gelesen. Die Schreibweise folgt dem Originaltext.
Für eine seitenweise Ansicht und den Vergleich mit den zugrundegelegten Scans, klicke bitte auf die entsprechende Seitenzahl (in eckigen Klammern).


[122v]

Wer syn mul / vmb eyn sackpfiff gytt
Der selb / syns tuschens gnuesset nytt
Vnd muoß offt gan / so er gern rytt


Narrenschiff (Brant) 1499 pic 0089.jpg

von dorechtem wechsel


Vil groesser arbeit hatt eyn narr
Wie das syn sel zuor hellen far
Dann keyn Eynsidel vor ye hatt
In aller wuest / vnd heymlich statt

[123r]

5
Do er dient vastend / bettend / gott /

Man sicht was hochfart arbeit hat
Wie man sich mutz / schmyer / nestel / bryß
Vnd hoerte drück lyd / jnn manche wyß
Der gydt tribt manchen über see

10
Durch vngewitter / raeg / vnd schne

In Norwegen / Pylappen landt
Keyn ruow noch rast / die buoler handt /
Die spyeler haben übel zyt /
Vil mer der schnapphan / der do ryt

15
Vff den halßacker wogend sich

Des prassers will gschwigen ich
Der allzyt vol ist / vmb syn hertz
Was drück der lyd / vnd heimlich schmertz
Des yfers zyt / ist nit die best

20
Er voercht eyn andern gouch jm nest

Syn eigen glider kocht der nydt
Nyemans durch gottes ere sich lydt
Der jn gedult an saeh syn sel
Als Noe / Job / vnd Daniel

25
Gar vil sint / den das boeß gefeltt

Gar selten der das guot erwelt
Erwoelen guotes eyn wiser soll
Das boeß kunt all tag selbes wol
Wer gibt das hymelrich vmb myst

30
Der ist eyn narr / so vil syn ist

Syn duschen der genüsset nitt
Wer ewigs vmb zergenglichs gytt
Vnd das ichs kurtz mit worten bgriff
Gybt er eyn esel / vmb eyn pfiff