Doctor Brants Narrenschiff/Von groben Narren

« Zanken und vor Gericht gehen	Sebastian Brant Doctor Brants Narrenschiff	Vom Geistlichwerden »
fertig Fertig! Dieser Text wurde zweimal anhand der Quelle Korrektur gelesen. Die Schreibweise folgt dem Originaltext.
Für eine seitenweise Ansicht und den Vergleich mit den zugrundegelegten Scans, klicke bitte auf die entsprechende Seitenzahl (in eckigen Klammern).

Wu^est / schamper wort / anreytzung gytt
Vnd sto^ert gar offt die gu^oten syt /
So man zu^o fast die suwglock schütt

Von groben narren

Eyn nuwer heylig heisßt Grobian
Den will yetz füren yederman
Vnd eren jnn / jn allem ort
Mit scha^entlich wu^est werck / wiß / vnd wort

5

Vnd wa^ent das zyehen jn eyn schympff

Wie wol der gürttel hat keyn glympff
Her Glympfyus ist leider dot
Der narr die suw byn oren hat
Schüt sie / das jr die suwglock klyng

10

Vnd sie den moringer jm syng

Die suw hat yetz alleyn den dantz
Sie halt das narrenschiff bym schwantz
Das es nit vnder gang von schwa^er
Das doch groß schad vff erden wa^er

15

Dann wo narren nit druncken wyn

Er gült yetz kum eyn o^ertelin
Aber die suw macht yetz vil jungen
Die wu^est rott / hat wißheyt vertrungen
Vnd loßt sie nyenan zu^o dem brett

20

Die suw alleyn die kro^en vff hett

Wer wol die suwglock lüten kan
Der mu^eß yetz syn do vornen dran
Wer yetz kan tryben sollich werck
Als treib der pfaff vom kalenbergk

25

Oder münch Eylsam mit sym bart

Der meynt er tu^eg eyn gu^ote fart
Mancher der tribt solch wiß / vnd wort
Wann die Horestes sa^eh / vnd hort
Der doch was aller synner on /

30

Er sprech es hetts keyn synniger gton /

Sufer jns dorff / ist worden blyndt
Das schafft / das buren druncken syndt
Herr Ellerku^ontz den vordantz hat
Mit wu^est genu^og / vnd seltten satt

{{}}

35

Eyn yeder narr will suw werck triben

Das man jm loß die büchsen bliben
Die man vmbfu^ert mit esels schmer
Die esels büchs würt seltten ler
Wie wol eyn yeder dryn will griffen

40

Vnd do mit schmyeren syn sackpfiffen

Die grobheyt ist yetz kumen vß
Vnd wont gar noh / jnn yedem huß
Das man nit vil vernunfft me tribt
Was man yetz redt / oder schribt

45

Das ist als vß der büchsen genomen

Vor vß / wann prasser zamen kumen
So hebt die suw die metten an
Die prymzyt / ist jm esel thon
Die tertz ist von sant Grobian /

50

Hu^otmacher knecht / syngen die sext

Von groben fyltzen ist der text /
Die wu^est rott sytzet jn der non
Schlemmer vnd demmer dar zu^o gon /
Dar noch die suw zu^or vesper klingt

55

Vnflot / vnd schanperyon / dann syngt

Dann würt sich machen die complet
Wann man / all vol / gesungen hett
Das eselschmaltz vnmu^essig ist
Mit bergem schmer ist es vermyscht

60

Das stricht eyn gesell dem andern an

Den er will jn der gsellschafft han
Der wu^est will syn / vnd das nit kan
Man schont nit gott / noch erberkeyt
Von allem wu^estem ding man seyt

65

Wer kan der aller schampperst syn

Dem büttet man eyn glaß mit wyn
Vnd lacht syn / das das huß erwag
Man bitt jnn / das er noch eyns sag
Man spricht das ist / eyn gu^oter schwanck

70

Do mit würt vns die wyle nit langk

Eyn narr / den andern schryget an
Biß gu^ot gesell / vnd fro^elich man
Fety gran schyer / e belli schyer
Was freüd vff erden hant sunst wir

75

Wann wir nit gu^ot gesellen sygen

Lont vnß syn fro^elich / prassen / schrygen
Wir hant noch kleyn zyt hie vff erd
Das vnß das selb zu^o lieb doch werd
Dann wer mit dott abstyrbt / der lyt

80

Vnd hat dar noch keyn fro^elich zyt

Wir hant von keym noch nye vernomen
Der von der hell syg widerkomen
Der vns doch seyt / wie es do stünd
Gu^ot geselschafft triben / ist nit sünd

85

Die pfaffen reden was sie went

Vnd das sie diß / vnd jhens geschend
Wer es so sünd / als sie vnß schriben
Sie da^etten es nit selber triben
Wann nit der pfaff vom tüfel seitt

90

Der hirt von wolffen klagt syn leitt

So hette sie beyd nüt dar von
Mit solcher red narren vmb gon
Vnd du^ont mit jrer groben rott
All welt geschenden / vnd ouch gott

95

Doch werden sie zu^o letst zu^o spott

{{{{}}}}