Hauptmenü öffnen
« Von unnützem Studieren Sebastian Brant
Doctor Brants Narrenschiff
Von selbstgerechten Narren »
fertig
Fertig! Dieser Text wurde zweimal anhand der Quelle Korrektur gelesen. Die Schreibweise folgt dem Originaltext.
Für eine seitenweise Ansicht und den Vergleich mit den zugrundegelegten Scans, klicke bitte auf die entsprechende Seitenzahl (in eckigen Klammern).


[36v]

Solt gott nach vnserm willen machen
Vbel gieng es jn allen sachen
Wir würden weynen me dann lachen


Narrenschiff (Brant) 1499 pic 0029.jpg

Von wider gott reden


Der ist eyn narr / der macht eyn für
Das er dem sunnen schyn geb stür
Oder wer fackeln zündet an
Vnd will der sunnen glast zuo stan

[37r]

5
Vil mer der gott stroffe vmb syn werck

Der heyßt wol Henn von Narrenberg
Dann er all narren vbertrifft
Sin narheyt gibt er jn geschrifft
Dann gotz gnad vnd fürsichtikeyt

10
Ist so voll aller wissenheyt

Das sie nit darff der menschen ler
Oder das man mit ruom sie mer
Dar vmb o narr / was straffst du gott
Din wißheyt ist gen jm eyn spott

15
Loß gott duon synem willen nach

Es sy guottaet / stroff / oder rach
Loß wittern jn / loß machen schoen
Dann ob du joch dar vmb bist hoen
So gschicht es doch nit dester ee

20
Din wünschen duot alleyn dir we

Dar zuo versündest dich gar schwaer
Vil waeger dir geschwygen wer
Wir betten das syn will der werd
Als jnn dem hymel / so vff erd /

25
Vnd du narr wilt jn stroffend leren

Als ob er siech an dich muest keren
Gott weiß all ding baß ordinieren
Dann durch din narrecht fantisieren
Das jüdisch volck das lert vnß wol

30
Ob gott well das man murmlen sol

Wer was syn ratgeb zuo der zyt
Do er all ding schuoff / macht vß nüt
Wer hat jm geben vor vnd ee
Der ruem sich des / vnd stroff jn me