Hauptmenü öffnen

Wikisource β

Doctor Brants Narrenschiff/Von Geiznarren

< Doctor Brants Narrenschiff
« Der Narr im Rath Sebastian Brant
Doctor Brants Narrenschiff
Von Modenarren »
fertig
Fertig! Dieser Text wurde zweimal anhand der Quelle Korrektur gelesen. Die Schreibweise folgt dem Originaltext.
Für eine seitenweise Ansicht und den Vergleich mit den zugrundegelegten Scans, klicke bitte auf die entsprechende Seitenzahl (in eckigen Klammern).


[6v]

Wer setzt syn lust vff zyttlich guot
Vnd dar jnn suocht syn freüd vnd muot
Der ist eyn narr jnn lib vnd bluot



Narrenschiff (Brant) 1499 pic 0004.jpg

Von gytikeyt.


Der ist eyn narr der samlet guot
Vnd hat dar by keyn fryd noch muot
Vnd weiß nit wem er solches spart
So er zuom fynstren keller fart

[7r]

5
Vil narrechter ist der verduot

Mit üppykeyt vnd lichtem muot
Das so jm gott hat geben heyn
Dar jnn er schaffner ist alleyn
Vnd dar vmb rechnung geben muoß

10
Die me gilt dann eyn hand vnd fuoß

Eyn nar verlaeßt syn fründen vil
Syn sel er nit versorgen wil
Vnd voercht jm brest hie zyttlich guot
Nit sorgent / was das ewig duot /

15
O armer narr wie bist so blindt

Du voerchst die rüd / vnd findst den grindt
Mancher mit sünden guot gewynt
Dar vmb er jn der hellen brynt
Syn erben achten das gar kleyn

20
Sie hülffen jm nit mit eym stein

Sie loeßten jnn kum mit eym pfundt
So er dieff ligt jn hellen grundt /
Gib wil du lebst durch gottes ere
Noch dym dot würt eyn ander here /

25
Es hat keyn wiser nye begerdt

Das er moecht rich syn hie vff erd
Sunder das er lert kennen sich
Wer wiß ist / der ist me dann rich /
Crassus das golt zuo letzst vß trangk

30
Noch dem jnn hat gedürstet langk /

Crates syn gelt warff jn das mer
Das es nit hyndert jnn zuo ler
Wer samlet das zergenglich ist
Der grabt sin sel jn kott vnd mist