Hauptmenü öffnen

Doctor Brants Narrenschiff/Verachtung ewiger Freude

< Doctor Brants Narrenschiff
« Von Spottvögeln Sebastian Brant
Doctor Brants Narrenschiff
Von Kirchenzucht »
fertig
Fertig! Dieser Text wurde zweimal anhand der Quelle Korrektur gelesen. Die Schreibweise folgt dem Originaltext.
Für eine seitenweise Ansicht und den Vergleich mit den zugrundegelegten Scans, klicke bitte auf die entsprechende Seitenzahl (in eckigen Klammern).


[53v]

Das ich alleyn zyttlichs betracht
Vnd vff das ewig hab keyn acht
Das schafft / eyn aff hatt mich gemacht


Narrenschiff (Brant) 1499 pic 0044.jpg

verachtung ewiger freid


Eyn narr ist / wer beruemet sich
Das er gott ließ syn hymelrich
Begerend / das er leben mag
In narrheyt / biß an jungsten tag

[54r]

5
Vnd blyben moecht eyn guot gesell

Er far joch dann / war gott hyn well /
Ach narr / wer doch vff erd eyn freyd
Die wert eyn tag vnd nacht on leyd
Das sie nit wurd verbittert dir

10
So moecht ich gdencken doch jn mir

Das du moechst han ettwas vrsach
Die doch wer narrecht / kleyn vnd schwach
Dann der hatt worlich dorecht glust
Waen hie die leng zuo leben lust

15
Do nüt ist dann das jamertal

Kurtz freüd / voll leid steckt vberal
Gedencken soll man wol do by
Das hie keyn bliblich wesen sy
Die wile wir farent allesant

20
Von hynnan / jn eyn froemdes landt

Vil sint vorhyn / wir kumen noch
Wir muessen gott an schowen doch
Es sy zuo freüden oder stroff /
Dar vmb sag an du dorehts schoff

25
Ob groesser narr ye kaeem vff erdt

Dann der / wer sollches mit dir gerdt
Du wünschescht von got scheynden dich
Vnd würst dich scheyden ewiglich
Eyn hunig troepflin dir gefalt

30
Vnd würd dort gall han / tusent falt

Eyn ougenblick / all freüd hie sint /
Dort ewig freüd vnd pyn man findt /
Welch fraeuelich triben sollch wort
Den faelt jr anschlag / hie vnd dort