Doctor Brants Narrenschiff/Schuldenmachern
« Von zu viel Sorge | Sebastian Brant Doctor Brants Narrenschiff |
Von unnützen Wünschen » | |||
Fertig! Dieser Text wurde zweimal anhand der Quelle Korrektur gelesen. Die Schreibweise folgt dem Originaltext.
| |||||
Für eine seitenweise Ansicht und den Vergleich mit den zugrundegelegten Scans, klicke bitte auf die entsprechende Seitenzahl (in eckigen Klammern).
|
[32v]
Wer vil zuo borg vff nemen wil
Dem essent woelff doch nit syn zyl
Der esel schlecht jn vnderwil
![](http://upload.wikimedia.org/wikipedia/commons/thumb/7/77/Narrenschiff_%28Brant%29_1499_pic_0026.jpg/250px-Narrenschiff_%28Brant%29_1499_pic_0026.jpg)
Der ist me dann eyn ander narr
Wer staets vff nymbt vff borg vnd har
Vnd jn jm nyt betrachten wil
Das man spricht / woelff essen keyn zyl
[33r]
Gott lang vff besserung vertreyt
Vnd sie doch taeglich mer vnd mer
Vff laden / dar durch gott der herr
Ir wartet / biß das stündlin kunt
Es sturben frowen / vieh / vnd kyndt
Do der von Amorreen sünd
Vnd Sodomiten kam jr ziel /
Hierusalem zuo boden fiel /
Die Niniuiten bezaltten vor
Gar bald jr schuld / vnd wurden quit
Doch behartten sie die lenge nit
Sie nomen vff noch groesser we
All ding die hant jr zyt vnd zyl
Vnd gont jr stroß noch / wie gott will /
Wem wol ist mit nemmen vff borg
Der hat zuo bzalen gantz keyn sorg /
Strecken / vnd für dich bürgen wendt
Dann so man nit zuo bezalen hett
Sie nemen kuter von dem bett /
Do hunger jn Egypten was
Sie eygen wurden hinden noch
Vnd muosten das bezalen doch /
Wann der esel anfocht syn dantz
Halt man jn nit wol by dem schwantz