Doctor Brants Narrenschiff/Nicht auf alle Rede achten

« Sich an Narren stossen Sebastian Brant
Doctor Brants Narrenschiff
Von Spottvögeln »
fertig
Fertig! Dieser Text wurde zweimal anhand der Quelle Korrektur gelesen. Die Schreibweise folgt dem Originaltext.
Für eine seitenweise Ansicht und den Vergleich mit den zugrundegelegten Scans, klicke bitte auf die entsprechende Seitenzahl (in eckigen Klammern).


[51v]

Eyn glock on klüpffel / gibt nit thon
Ob dar jnn hangt eyn fuchßschwantz schon
Dar vmb loß red für oren gon



Narrenschiff (Brant) 1499 pic 0042.jpg

Nit achten vff all red


Wer by der welt vß kumen wil
Der muoß yetz lyden kumbers vil
Vnd sehen vil / vor syner tür
Vnd hoeren / das er gern entbür

[52r]

5
Dar vmb jnn grossem lob die ston

Die sich der welt hant ab gethon
Vnd synd durch gangen berg vnd tal
Das sie die welt nit braecht zuo fal
Vnd sie villicht verschuldten sich

10
Doch loßt die welt sie nit on stich

Wie wol sie nit verdienen kan
Das sie solch lüt sol by jr han
Wer recht zuo tuon den willen hett
Der acht nit / was eyn yeder redt

15
Sunder blyb vff sym fürnem stiff

Ker sich nit an der narren pfiff
Hetten propheten vnd wissagen
Sich an noch red by jren tagen
Kert / vnd die wißheyt nit geseit

20
Es wer jn yetz lanst worden leit

Es lebt vff erden gantz keyn man
Der recht tuon yedem narren kan
Wer yeder man künd dienen recht
Der muest syn gar eyn guoter knecht

25
Vnd frueg vor tag dar zuo vff ston

Vnd seltten wider schloffen gon
Der muoß mael han / vil me dann vil
Wer yedems mul verstopffen wil
Dann es stat nit jn vnserm gewalt

30
Was yeder narr red / klaff / o kalt

Die welt muoß triben das sie kan
Sie hatß vor manchem me getan
Ein gouch singt guckguck dick vnd lang
Wie yeder vogel syn gesang

g iiij.