Die Schedelsche Weltchronik (deutsch):283

 

282 <<<Vorheriges Blatt	Die Schedelsche Weltchronik    Blatt CCLXXXIII	Nächstes Blatt>>> 284
unkorrigiert	Dieser Text wurde noch nicht Korrektur gelesen. Allgemeine Hinweise dazu findest du bei den Erklärungen über Bearbeitungsstände.

CCLXXXII verso:

solcher grawsamkeit vnd wu^eetunng vber die vberwundnen feind also das sie an dem ende der nyderlag die todten co^erper zusamen trugen tisch vnd pencke darauß machten. die co^erper o^effneten. das plu^ot truncken. vnd die hertzen mit den zenen zerrissen.

Vom Elsass

ALs Ludwig der Vienensisch delphyn in das Elsas der gegent ettwen Gallischer yetzo Teu^etscher nation in die Basilischen landschaft schier alle Gallische ritterschaft außgefu^eert ven den von Basel große forcht eingeiagt het do schickten die Schweytzer den von Basel als iren aydgenoßen viertawsent iung starck streytper mann zu hilff. Als nw an den Delphin gelanget das sie zu der statt zueyleten do leget sich der Delphyn mit seinem heer zwischen die statt vnd die Schweitzer. die sich doch zu fu^eßen an dreyssigtawsent geraysig mann zu streyt richteten[.] also ward zu beder seytten mit grossen kreften gefochten. Zu letst lagen die Schweitzer vberwunden vnd vberwindende vermu^eedet ernyder also das ir gar wenig empfluhen vnd die andern alle erschlagen wurden. doch vergienge gar selten ein Schweitzer vngerochen. auß denen mer Gallischen oder Frantzosen gefunden warden die mit der Schweitzer lantzen oder spiessen durchstochen den feind zeschlahen mitten durch die spiess oder lantzen ein fallende rachsal empfangner wunden begerten.

Von Sophoy

AMedeus der erst hertzog zu Sophoy als er viertzig iar nach seins vaters tod das lnand mit grosser auffung vnd erkriegtem frid geregirt het verließ sein fu^erstenthumb vnd werltlich ru^om vnd ere vnnd zohe in die wu^eestnus mit sechß rittermessigen mannen. Zu letst wardt er zu bebstlicher ho^ehe erhebt in massen hieuor in dem buch von dem vnd andern meldung geschehen ist. Aber nit vil volcks erkennet ine als einen stathalter Cristi. außgenomen sein vndertanen. die Schweitzer. die von Basel. die von Straßburg. vnd die die hertzog Albrechten zu Bayern anhiengen.

Nota einen zusatz

ENeas siluius pius hat im anfang diss seins bu^echleins zugesagt das er die Europischen sachen an dz liecht bringen wo^el. aber dieweil er mit der außtaylung obers vnd nyders Teu^etschs lands vmbgangen ist hat er den blu^omen derselben nation vnderwegen gelassen. dann er hat nichts von dem allen eltisten volck teu^etscher nation der Schwaben geschriben. die doch der gschihtbschreiber Strabo. vnnd Julius cesar in kriegs sachen mit wunderperlichem lobe erheben. Dann das Schwabenland ist yetzo mit vil bischoflichen kirchen vnd vil treffenlichen hohberu^embten stetten wol besetzt. vnnd mit vil namhaftigen wasserflu^essen befeu^echtigt. fruchtper vnnd reich an getraydt vnd wein mit fast synnreichen wolku^endendem vnd streytschicklichem volck besetzt. Er hat auch fu^ergangen bede gestadt des Rheins von seinem vrsprung bis hinab gein Ko^eln. daran auff beden seytten hinab ein grosse lo^ebliche zierde großer bischoflicher auch kaiserlicer vnd fu^erstlicher stett erscheint in einem fruchtpern erdpodem an getrayd vnd vil andern fru^echten. vnd su^enderlich an wein also reich vnd vberfliessend das schier alle Teu^etsche land vnd auch die mitternachtlich gegent sich des Rheinnischen weins ergetzen. Diss sind die bischoflichen stett Costnitz Basel Straßburg Speyer Wurms Maintz Coblentz alle mit vorwer zynnen. greben vnd hohen ergkern wolbefestigt. Alda ist ein holdselig freu^entlich volck sich eins tayls seins fruchtpern erdpodens eins tayls der hantirung vnd kawffmanschatz nerende. so fleysset sich der adel des wildgefengs. den merern tail seins lebens in freu^eden vnd wollustperkeit verzerende. Er hat auch vbersehen die gegen Teu^etsches land die der wasserfluss Lynttung genant befeu^echtigt. der do entspringt in dem gepirg Glares vnd in den Zu^ercher see fleu^eßt vnd in den see rynnet. Dise gegent ist mit starcken stetten vnd schlo^essern. als Bern Lucern Zu^erich Solutern vnd mit einem fast streitpern volck besetzt das man der Schweytzer pund nennet. vnd allen daselbst vmbgelegnen fu^erstenthumen erschrockenlich ist vnd in kurtzer zeit seinen gewalt wunderperlicher weiss erweittert hat. Er hat auch fu^ergangen Flandern Hannogew Brafant an reichthu^emern vnd kawfmanschatzen fast durchleu^echtige gegent. darinn ligen Brugk Jhent Mecheln Antdorff. dann wiewol dieselben gegent ettwen dem nydern Franckreich zugezelt worden sind so reden sie doch yetzo nach erweytterung der Teu^etschen nation mit Teu^etscher zungen.

CCLXXXIII recto:

Blat CCLXXXIII

Franckreich

IN dem ko^enigreich zu Franckreich (das zu vnßern zeitten Johanna die Lothringisch iunckfrawe go^etlicher weyse (als man glawbt) vermanet in manlichen klaidern vnd waffen gallische spitzen fu^eerende von dem gewalt der Engellender zum gro^eßisten tayl die erst vnder den ersten fechtende erlediget) als Philippus der hertzog zu Burgundi nach verzihner gewaltsamen vetterlichs tods sich von den Engellendern an die Frantzosen gewendet het sind zwischen ko^enig Karln vnd seinem sun dem Vienensischen delphin grosse zwittrechtigkeit vnd feindschaft erwachßen. Carolus der andogauensisch hertzog des Delphins vetter was zu derselben zeit bey dem ko^enig gar mechtig vnd gewaltig. Nw mocht Johannes der Aluernisch hertzog desselben Karls mechtigkeit nit tragen. so sahen der Borbonisch fu^erst vnd sein bruder die Andogauensischen herrschung mit argkwon an. demnach rieten sie dem Delphin sich von seinem vater zethun. dann also mo^echt es den weg erlangen das der ko^enig auß naygung des suns den Karln von ime thun vnd das ko^enigreich mit besserm rat geregirt wu^erd. Auß diser bewegnus thet sich der Delphin vnbegru^eßt des vaters zu den Nuternensischen. Als so^elchs der ko^enig erfu^ore do sammlet er eylends ein heer vnd zohe fu^er Alanconium vnd erobret nicht mit großer mu^oe vil befestigung. vnd empfieng den hertzog in ergebung. Darnach rayset er wider den sun. aber nach dem die Minernischen stett den Delphin wider seins vaters gewalt nicht schu^etzen getorsten do baten sie ine von inen zeziehen. also kome er gein Borbonium. Vnlang darnach auß besorgknus des Borbonischen fu^ersten zorns den sun dem vater verso^enende. Dise sach gelanget seinem bruder nit zu gu^otem. dann in kurtzer zeit darnach wardt er gefangen vnd ertrenckt. In kurtzer weil darnach hat Renatus auß dem Sicilischem ko^enigreich vertriben sein tochter ko^enig Heinrichen zu engelland zu der ee vermehlet. nicht mit widerwillen des franckreichischen ko^enigs. der auß derselben heyrat ime vnd seinem ko^enigreich haylpern anstal vnd auffschu^obe

---