Aspis ein wurn geheissen ist
[388r]
Aspis ein wurn geheissen ist·
der zv̊ der erden streket·
ein ore vnd in das ander steket·
sines zagels ort·
dvrh das er kein wispel wort·
verneme so man in vahen wil·
owe dc nv der selbe list·
niht mangen herren deket·
der boͤser rede sin ore empleket·
hie beide vnd dort·
da von er den schaden bekort·
dc er verlúret eren vil·
schalc in sinem mvnde·
wunde bernde sprúche treit·
da mit er in schande leit·
nv ritter vnde knehte·
die durh sin lasterlich gebrehte·
werdent vil gemeit·
swc ein zúhtic man geseit·
dc hant si fúr ein gǒggel spil·