Aachener Stadtrechnungen aus dem XIV. Jahrhundert/Beilage XII.
Lieve geselle. Wist up dat punt van den lumbarden haint sii vurtziitz vurwerde gehadt, mer sent der ziit, dat ir ind ich gesellen synt geweist an der burgermeisterschaf, so en sii geinre vurwerden gesunnen noch ouch gehat, mer idt dunckt mich goit siin, dat yr yn vurwerde geyft vůr unse burgere, also verre als yn der meyer vůrwerde geyven wilt vůr die van
[92] en buyssen. Vort als van herren Kirstyaens weigen, so wie yr gedaen hait, då myt genůegt yem. Vort van Wilhems weigen uns knechtz, den sal ich uch heym senden, of he sal uch alle bescheit oever schriiven. Got sii mit uch. Geschr. vůr Riifferscheit. Vort dueyt die gesellen her oever komen, die heym gereden siint, dat sii sicher her oever komen, want myrt nyet lief en was noch en is, dat er eynich heym reyt, ind ich verboidt idt etzlichen, de myr antwerde, he weulde heym, en soulde he ouch vort siins tzols untbeyren. Vort so woirden nů en maendage gevancgen up der straissen Wynant van der Hallen ind andere gesellen, die zůgehueren den herren van Grunsselt ind van Schoenvorst, ind sii haint alle dach ayn, alleyne Wynant, den haint sii mit yn gevoirt, wå of war, den en weis ich nyet.