Zergangē iſt manig wūneklich̾ tac

Zergangē iſt manig wūneklich̾ tac·
vn̄ deſ meien bluͤte·
da vō vns liep geſchach·
nv treit man den ſchau̾nach
fúr die bluͤmen huͤte·
die man vf dem anger bꝛach
ir ſchǒwet an die lindē
wie ſenlich dú ſtat·
die er mit ſinē winden
alſo verderbet hat·

Jener ſich gemachet hat·
in eine troien ſin gollier
iſt zweier ſpāne bꝛeit·
ſin har im vf die ahſel gat·
ia wen ich dc er iemē
einē mvlſlag v̾treit·
ſin ſw̾t iſt wol geſliffen·
ein múſkar er trůc·
zwen voꝛ im pfiffen·
der dꝛite den ſvmber ſlůg·

Sich hůb in der ſtuben ſchal·
voꝛ dem^{[WS 1]} gettelingē
der ſvmber lute erdoſ·
da tanzten megde vber al·
do zuhte er vō dem ringe
die gv̊ten vf die ſchos·
nach einē vingerlin
v̾lenkt er ir die hant·
do ſant ir bꝛv̊der grin
nach hilfe ſa ze hant·

Dar kom ir der lange rehwī
vn̄ des meiers bꝛůder·
die trůgen ſtarkú ſw̾t·
ein alter has was under in^{[WS 2]}
entwoꝛfen vmb ein fůder·
vf der ſtrâſſe vert
er lint an einer wende·
wie wenic er des genos·
er ſlůg in in die zende·
das in das blůt begos·

Anmerkungen (Wikisource)

1. Vorlage: den.
2. Vorlage: die heten einē altē has.