Wol mich dc ich ie den mv̊t gewan

Wol mich dc ich ie den mv̊t gewan·
dc ich mir so selig wib erkôs·
ich wen in der werlte iht lebt ein man·
der so selten si von sorge erlost·
vmb ein lob der lieben frowen min·
dú mir ist vor al der werlte· vil gar bas
danne lieb vnd mv̊s dc iemer sin·

Sine weis niht wie liebe si mir tůt·
mit ir tvgende vnd mit ir seligkeit·
swen ich dvr si hohe trage minen mv̊t·
wol mich danne svͤsser arbeit·
han ich sorge die^{[WS 1]} senftet wol·
dú vil liebe wirt si mir beschert·
wc ich danne wunne liden sol·

Anmerkungen (Wikisource)

1. Vorlage: dú.