Wol mich dc ich ie dē mv̊t gewā
[315r]
Wol mich dc ich ie dē mv̊t gewā·
dc ich mir ſo ſelig wib erkôs·
ich wen in d̾ w̾lte iht lebt ein man·
d̾ ſo ſeltē ſi vō ſoꝛge erloſt·
vmb ein lob d̾ liebē frowē min·
dú mir iſt voꝛ al der w̾lte· vil gar baſ
dāne lieb vn̄ mv̊s dc iem̾ ſin·
Sine weis niht wie liebe ſi mir tůt·
mit ir tvgende vn̄ mit ir ſeligkeit·
ſwen ich dvr ſi hohe trage minē mv̊t·
wol mich dāne ſvͤſſer arbeit·
hā ich ſoꝛge die[WS 1] ſenftet wol·
dú vil liebe wirt ſi mir beſchert·
wc ich danne wūne liden ſol·
Anmerkungen (Wikisource)
- ↑ Vorlage: dú.