Winter leide gruͤne heide

Winter leide gruͤne heide·
hat verderbet vnd den walt·
wan mag schǒwen· an den ǒwen·
da lit nv der rife kalt·
ich wirde alt von selken dingen·
noch klage ich ein ander not·
dc dú liebe mich wil twingen·
der ich mich ze dienste ie bot·
ich wil singen· zoren bringen·
dc ich nach ir iamers won·

JAmers schrike lide ich dike·
dc tůt minem herzen we·
ich vil tvmber· disen kvmber
liden mvͤs aber als e
swies erge·
ich mv̊s doch sorgen·
beide naht vnd ǒch den tag·
dc ich abent noch den morgen·
si niht sol noch sehen mag·
vnverborgen mv̊s ich worgen·
in ir banden dvnket mich·