Wint̾ dine kalte rifen

Wint̾ dine kalte rifen·
kalde wīde vn̄ ǒch der ſne·
ſwas die gruͤnes mvgēt begrifen·
desn^{[WS 1]} geſiht man iarlanc me·
ī ſo wúneklichē ſchine·
ſeht dc lâs ich alles ſin·
wan ich lide groſſe pine·
vō d̾ liebú frowē min·
Des wil dú reine
gelǒbē vil kleine·
wā ſi hat gemeinē grůs mir gar v̾zigē·
vn̄ lat mich ſend̾ not zepfande ligen·
vō welhē ſchuldē
mv̊s ich es duldē
ald wa vō·
hat ſi mir ir grůs v̾ſeit deſwar ich bins vngewō·

Solt ich wúnſchen mir zeheile·
dar nah als min wille ſtat·
ſo neme ich ze minē teile·
fúr ſwas nv iemā gv̊tes hat·
dc dú reine ī wibes gvͤte·
ſpreche lieb ich bin dir holt·
dc froͤit min gemuͤte
bas dāne alder kriechē golt·
Des wil dú reine
gelǒbē vil kleine·
wā ſi hat gemeinē grůs mir gar v̾zigē·
vn̄ lat mich ſend̾ not zepfande ligen·
vō welhē ſchuldē
mv̊s ich es duldē
ald wa vō·
hat ſi mir ir grůs v̾ſeit deſwar ich bins vngewō·^{[WS 2]}

Niemā ahte mir gen gv̊te·
froͤide vn̄ froͤiderichē mv̊t·
froͤide ī edels māneſ mvͤte·
tůt bas dan alles ſin gv̊t·
wurd mir ein lieplich ſmierē
vō der frǒwē min bekant·
vn̄ ein mīnekliches zwierē·
dc neme ich fúr tvſent lant·
Des wil dú reine
gelǒbē vil kleine·
wā ſi hat gemeinē grůs mir gar v̾zigē·
vn̄ lat mich ſend̾ not zepfande ligen·
vō welhē ſchuldē
mv̊s ich es duldē
ald wa vō·
hat ſi mir ir grůs v̾ſeit deſwar ich bins vngewō·^{[WS 3]}

Unw̾de vn̄ gar vnmere·
húre vnw̾der dāne vert·
bin ich der ich g̾ne were·
gar voꝛ allē dingē w̾t·
ſi tůt niend̾ dem geliche^{[WS 4]}·
ſam ſi welle erhoͤꝛen mich·
nv nême ich vúr tútſche riche^{[WS 5]}·
dc ſi bas bedehte ſich·
Des wil dú reine
gelǒbē vil kleine·
wā ſi hat gemeinē grůs mir gar v̾zigē·
vn̄ lat mich ſend̾ not zepfande ligen·
vō welhē ſchuldē
mv̊s ich es duldē
ald wa vō·
hat ſi mir ir grůs v̾ſeit deſwar ich bins vngewō·^{[WS 6]}

Frowe ſchoͤne mīnekliche^{[WS 7]}·
frowe kúſche wol gezogē·
frowe ī guͤte froͤidēriche^{[WS 8]}·
wūſch^{[WS 9]} hat an iv niht gelogē·
ach ſolt ich úch kúſſen tǒgen·
dc w̾e vnu̾goltē gelt·
an den munt vn̄ in dú ǒgen·
dc neme ich fúr alle die welt·
Des wil dú reine
gelǒbē vil kleine·
wā ſi hat gemeinē grůs mir gar v̾zigē·
vn̄ lat mich ſend̾ not zepfande ligen·
vō welhē ſchuldē
mv̊s ich es duldē
ald wa vō·
hat ſi mir ir grůs v̾ſeit deſwar ich bins vngewō·^{[WS 10]}

Anmerkungen (Wikisource)

1. Vorlage: des.
2. Vorlage: Des wil dú reine· ⁊c̾·
3. Vorlage: Des wil dú reine·
4. Vorlage: gelich.
5. Vorlage: rich.
6. Vorlage: Des wil dú reine ⁊c̾·
7. Vorlage: mīneklich.
8. Vorlage: froͤidērich.
9. Vorlage: wūſ.
10. Vorlage: Des wil dú reine·