We was wnders lit an wibē

Textdaten
Autor: Gottfried von Neifen
Illustrator: {{{ILLUSTRATOR}}}
Titel: We was wnders lit an wibē
Untertitel:
aus: UB Heidelberg 36v
Herausgeber:
Auflage:
Entstehungsdatum: 13. Jahrhundert
Erscheinungsdatum: Vorlage:none
Verlag: Vorlage:none
Drucker: {{{DRUCKER}}}
Erscheinungsort:
Übersetzer:
Originaltitel:
Originalsubtitel:
Originalherkunft:
Quelle: UB Heidelberg
Kurzbeschreibung:
In Originallettern. Vergleiche auch We was wnders lit an wiben mit aufgelösten Lettern.
Wikipedia-logo-v2.svg Artikel in der Wikipedia
Eintrag in der GND: {{{GND}}}
Bild
[[Bild:|250px]]
Bearbeitungsstand
korrigiert
Dieser Text wurde anhand der angegebenen Quelle einmal Korrektur gelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.
Um eine Seite zu bearbeiten, brauchst du nur auf die entsprechende [Seitenzahl] zu klicken. Weitere Informationen findest du hier: Hilfe
[[index:|Indexseite]]

[36v]

We was wnders lit an wibē·
ſit ir gvͤte kan vertriben·
ſendem herzen ſende not·
der in lieplich ſiht in ǒgen·
mit gewalde vn̄ da bi tǒgen·
dem iſt al ſin trvrē tot·
iſt im rehtv́ liebi bi·
ſo iſt beiden dāne wol·
minne tv̊t ſi ſoꝛgen fri·
ſi ſtriket beidiv herzen in ein
vn̄ wendet kv̄berliche dol.

Wib din minnenklich gebaren·
kan der ſenden h̾zen varen·
wip dv biſt ein ſvͤzer name·
wib dv kanſt wol froͤide meren·
wip dv kanſt froͤide leren·
dir iſt wiplich ere zame·
wib dv giſt ǒch hohen mv̊t·
wib dv giſt ǒch froͤiden vil·
wib dv biſt fúr truren gv̊t·
des mv̊s ich iemer ſelig ſin
dv biſt der welte wnne ſpil·

Heide vn̄ ǒwe ſtv̊nt mit bluͤte·
gegē des ſvͤſſen meigē gvͤte·
die ſint beide woꝛdē val·
dar zv̊ wil der wint̾ twingē·
cleiner vogelin ſvͤſſeſ ſingen·
das ſi ſwigent vber al·
das ſolt ich vō ſchvlden klagen·
ſo klage ich ein ander not·
ſolt aber ichs der lieben ſagen·
mich iamert nach ir mīne me
danne nach den liehten roſen rot·

Svͤſſe minne mine ſinne·
iamert nach der lieben mīne·
minne hilf eſt an der zit·
minne dv kanſt trvren ſwenden·
hohgemvͤte in herze ſenden·
mīne din gewalt iſt wit·
mīne ich bin dir vndertan·
minne wis gewaltig min·
owe minne ſolt ich han·
ir mīneklichen wibes lip
ſo were min trvren gar da hin·