Wan hoͤꝛt aber klingen

Textdaten
Autor: Rost
Illustrator: {{{ILLUSTRATOR}}}
Titel: Wan hoͤꝛt aber klingen
Untertitel:
aus: UB Heidelberg 285v
Herausgeber:
Auflage:
Entstehungsdatum: 13. bzw. 14. Jahrhundert
Erscheinungsdatum: Vorlage:none
Verlag: Vorlage:none
Drucker: {{{DRUCKER}}}
Erscheinungsort:
Übersetzer:
Originaltitel:
Originalsubtitel:
Originalherkunft:
Quelle: UB Heidelberg
Kurzbeschreibung:
In Originallettern. Vergleiche auch Wan hoͤrt aber klingen mit aufgelösten Lettern.
Eintrag in der GND: {{{GND}}}
Bild
[[Bild:|250px]]
Bearbeitungsstand
korrigiert
Dieser Text wurde anhand der angegebenen Quelle einmal Korrektur gelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.
Um eine Seite zu bearbeiten, brauchst du nur auf die entsprechende [Seitenzahl] zu klicken. Weitere Informationen findest du hier: Hilfe
[[index:|Indexseite]]

[285v]

Wan hoͤꝛt aber klingen·
dvrch den walt·
ſvͤſſes vogel ſingen·
wol [im] der nu lebt·
vn̄ da bi verdꝛungen·
manigualt·
ſoꝛge mag des ringen·
gar in ſelden ſwebt·
lichte ſvmer wunne· dv́ nv wīters wêwen·
mit ir gruͤnen klêwen·
frilich wider ſtrebt·
Minne troͤſterinne·
ſinne wie ich ſender bꝛinne·
vō d̾ dirne din·
ſunder ſchulde min·

Minne bꝛing ir iugent·
ſelken rat·
das ſi noch tů húgent·
min gemuͤte krank·
es zimt nicht ir tugent
das ſi hat·
mich getan vnmugent·
der ich ich ie ſang·
ſit ich erſt geſach ir mundes roͤte gleſten
ſam die blůt vs eſten·
gar an allē wank·
Minne troͤſterinne·
ſinne wie ich ſender bꝛinne·
vō d̾ dirne din·
ſunder ſchulde min·[WS 1]

Ich want ſin geſcheiden·
do ze ſtunt·
vō dien arbeiden·
die min herze trůg·
do viel ich ze leiden·
vngeſvnt·
vō den ǒgen weiden
wart ich vngefůg·
das ich ſunder allen zwiuel můs verderben
ob ich niht erwerben
mag ir hulde klůg·
Minne troͤſterinne·
ſinne wie ich ſender bꝛinne·
vō d̾ dirne din·
ſunder ſchulde min·[WS 2]

Anmerkungen (Wikisource)

  1. Vorlage: Minne troͤſterinne· ⁊c̾·
  2. Vorlage: Minne troͤ·