Ueiger wint̾ hinnē ſcheide

Ueiger wint̾ hinnē ſcheide·
mit dir ſwas vns kan zeleide·
rife wint is vn̄ ſne·
lant^{[WS 1]} walt anger vn̄ die heide·
wūneklich ir ǒgen weide·
ſich genietē iar lank me·
lant vnſ kleine vogel ſingen·
lant dē ſvm̾ ſwere vns ringē·
lant^{[WS 2]} ī ǒwē ſchone vf dꝛīgē
liehte blv̊mē vn̄ dē kle·

Ereg̾ndē ſtozlē leigē·
froͤit úch gegē dē ſuͤzen meien·
gegē der froͤideb̾ndē zit·
húre ſiht mā megde reigē·
dar ſult ir úh froͤlich zweien·
mīne ſtúr úch nahe lit·
wib ſint lieb̾ dinge eī krone·
dienēt wibē dc ſtet ſchone·
wiblich gvͤte vch lieblich lone·
mit dē beſtē ſo ſi git·

Svm̾zit vn̄ wibes mīne·
mānē troͤſtet die fúnf ſinne·
frowē tůnt geſihte wol·
der gehoͤꝛde dvrh gewīne·
vogel ſtīme vſ walt vn̄ inne·
māneſ h̾ze erfroͤwē ſol·
viol ſmac tůt^{[WS 3]} ſoꝛge ſliffē·
kieſē wir ſvͤze fruht vúr rifen·
lieblich w̾dú wib an grifen·
wend úch w̾den ſendē dol^{[WS 4]}·

Anmerkungen (Wikisource)

1. Vorlage: lat.
2. Vorlage: lat.
3. Vorlage: tů.
4. Vorlage: doln.