Swas wibes ere ie wol gezam (Mit originalen Lettern)

Swas wibes ere ie wol gezam·
dar vf so stv̊nt ie min mv̊t· dc ich dc merte·
so vil man danne mich vernam·
so wc min wort da bi da man si erte·
doch bin ich des noch ân ir lon vil nach gescheiden·
wan alse vil als ichs erwarb mit eiden·
dc solde eht sin·
wc vmbe dc die wile ich lebe so hant si doch den dienest min·

Wan sol in dienen vmbe das·
dc niht so gv̊tes lebt alsam die gv̊ten·
vnd dvrh die gv̊ten sol man bc·
die andern eren danne sis doch mv̊ten·
ich weis die einen dc des nieman dorft erdriessen·
es solden hundert tvsent wol geniessen·
der selekeit·
die got nah vlîze an si nah allem wunsche hat geleit·

Ich bin der gv̊ten vndertan·
vnd allen gv̊ten wiben dur ir ere·
sol mich dc anders niht vervan·
wan dc dv́ gv̊te twinge mich so sere·
der gv̊ten guͤte wende mir den kvmber den ich dulde·
so wirt mir schier ir has alsam ir hulde·
dc wende enzit·
est als ein slag in einen so es niht vervat·
swas man mir git·