Swas wibes ere ie wol gezam (Mit aufgelösten Abbreviaturen)

Swas wibes ere ie wol gezam·
dar vf ſo ſtv̊nt ie min mv̊t· dc ich dc merte·
ſo vil mā dāne mich v̾nam·
ſo wc mī woꝛt da bi da mā ſi erte·
doch bin ich deſ noch ân ir lon vil nach geſcheidē·
wā alſe vil als ichs erwarb mit eidē·
dc ſolde eht ſin·
wc vmbe dc die wile ich lebe ſo hant ſi doch dē dieneſt min·

Wan ſol in dienē vmbe das·
dc niht ſo gv̊tes lebt alſam die gv̊ten·
vn̄ dvrh die gv̊ten ſol mā bc·
die and̾n erē dāne ſis doch mv̊tē·
ich weis die einē dc des niemā doꝛft erdꝛieſſen·
es ſoldē hund̾t tvſent wol genieſſē·
d̾ ſelekeit·
die got nah vlîze an ſi nah allē wūſche hat geleit·

Ich bin d̾ gv̊tē vnd̾tan·
vn̄ allē gv̊tē wibē dur ir ere·
ſol mich dc and̾s niht v̾van·
wā dc dv́ gv̊te twinge mich ſo ſere·
d̾ gv̊tē guͤte wende mir den kvmb̾ den ich dulde·
ſo wirt mir ſchier ir has alſam ir hulde·
dc wēde enzit·
eſt als eī ſlag in einen ſo es niht v̾vat·
ſwas man mir git·