Swēne ich komē wil vō ſw̾e
[309r]
Swēne ich komē wil vō ſw̾e·
ſo gedēke ich an ein wib·
dú iſt ſchoͤne vn̄ ereb̾e·
dc ir tugentlich̾ lib·
hoͤhet minē ſendē mv̊t·
als einē edelē valkē wilde ſin gevider in dē lúftē tůt·
Svͤſſer wunſch bi allē wibē·
din hant ere tútſchú lant·
dv kanſt h̾zeleit v̾tribē·
vn̄ enbindē ſoꝛgē bant·
din ſint geret ellú wib·
alſo h̾e vn̄ alſo reine iſt din froͤideb̾nd̾ lib·
Ich wāde vs dē himelriche·
mich ein engel lachet an·
do ich ſi ſach ſo mīnekliche·
gar vō aller ſw̾e ich kan·
ich wart aller froͤidē vol·
als ein ſele vō der wîſſe· dú ze himelriche ſol·