Stammbuch berümpter Fürsten, Graffen vnnd Herren Geschlechter:Seite 53
| <<<Vorherige Seite | Stammbuch Oder Erzölung aller namhaffter vnd inn Teütschen Historien berümpter Fürsten, Graffen, vnnd Herren Geschlechter | Nächste Seite>>> |
 | ||
| fertig | Fertig! Dieser Text wurde zweimal anhand der Quelle Korrektur gelesen. Die Schreibweise folgt dem Originaltext.
| |
| Heinrich / diser hat gefreyet Gerdraut / Marggraeffin von Sachsen / vnnd mit jhr gezeüget Rixam / die Lotharius Caesar zuor Ehe nam. Als aber nuon Heinrich verstarb freyet Gerdraut Graff Dieterich von Kadelenburg. | Cuono / diser Cuono / saget Crantz / sol Kadelenburg haben helffen stifften / vnd seinen Hoff Koenigshoffen / so er des orths hatte derzuo geben. | ||||||||||||||||||||||
Landsberg / Eine Graffschafft / dauon das alte zerrissene schloß noch verhanden / zwischen der Elben vnd Salah. Die Meißnische Chronica sagt Marggraff Dieterich sol es gebawet haben /Anno 1170 mit der Capellen / vnd darzuo gelegt Sangerhausen / Petersberg / Scopaw / Leckestett / Delitz / ect. Sagt Crantz. in Saxo. im jar 1318.
Dazuomal hat auch gelebet Hertzog Magnus von Braunschweig / der nam zuor Ehe Agnes des Graffen tochter zuom Landsberge / vnd bekam mit jr zuor ehestewr die gantze herrschafft / hat mit jr gezeüget vier soene.
| Albrecht / wird Bischoff zuo Bremen. | Ludonicus / Hertzog zuo Lüneburg. | Cuort starb in Italien. | Magnus hertzog zuo Braunschweig. | ||||||||||||||||||||||||||||||||||
Es behielten aber die Hertzogen zuo Braunschweig dise Herrschafft nicht gar lange. Denn Anno 1367 wurde Hertzog Magnus im streit von dem Bischoff von Hildesheim gefangen / dem muost er groß gelt geben / wolte er loß sein / da muoste er dise herrschafft verkauffen / vnd gab sie vmb einen geringen schatz / den Hertzogen von Sachsen. Chron. Saxo.
Ir wappen seind fünff balcken / die lenge herab / zwen schwartze vnnd drei weisse.
Lawenrode / Eine herrschafft vor zeitten / das Schloß ist gelegen / da jetzund die Newstatt ligt für Hanofer der stat / vnd hat dazuomal Hanofer darzuo gehort.
Anno 937 hat gelebt Wilhelm Graff zuo Lawenrode / ist mit vff dem Thurnier zuo Magdeburg gewesen.