Stammbuch berümpter Fürsten, Graffen vnnd Herren Geschlechter:Seite 52

<<<Vorherige Seite	Stammbuch Oder Erzölung aller namhaffter vnd inn Teütschen Historien berümpter Fürsten, Graffen, vnnd Herren Geschlechter	Nächste Seite>>>

fertig	Fertig! Dieser Text wurde zweimal anhand der Quelle Korrektur gelesen. Die Schreibweise folgt dem Originaltext.

Kappenberg / Eine Herrschafft inn Westphalen. Crantz. in Saxo. lib. 5. cap. 15. gedencket Graff Ottons von Kappenberg / das er hab zu^or Ehe genommen Graff Friderichs zu^o Arnsberg Tochter (welches Graffen Friderichs mu^otter war gewesen / Hertzog Otten tochter an der Weser) vnd mit jhr gezeüget ein tochter / genannt Heilich / Die hat er zu^or Ehe geben Graff Eilmar von Oldenburg / der mit jr gezeüget.

Heinrich / Graff zu^o Oldenburg.

Christian / Graff zu^o Oldenburg.

Otto / Propst zu^o Bremen.

Metrop. lib. 5. cap. 32.

Anno 1186 hat Wernerus der 21 Bischoff zu^o Münster so vil zu^owegen bracht / daß das Kloster zu^o Kappenberg Præmonstratenser Ordens ist auffgericht worden mit grossem kosten / vnd gu^etern begabt / weil es dazu^omal ein newer Orden war / vnnd hat der Bapst solche lust zu^o dem Kloster gewunnen / das er wolte dahin begraben werden. Metrop. lib. 6. cap. 45.

Anno 1215 haben dise Graffen von Kappenberg noch gelebt / denn Crantz schreibet in Metrop. lib. 7. cap. 33. Das Graff Hermannus Bischoff zu^o Münster / vnnd Graff zu^o Behem / sey der Graffen von Kappenberg gewesen.

Katelenborg / Eine herrschafft vorzeiten ist gelegen bey der stat Northeim.

Anno 1100 hat Dieterich der letste Graff auß seinem schloß Katelenborg ein Kloster des namens gestifftet / die denn sein Vatter / auch Dieterich genannt (welches gemahel Gertrudis Marggraff Egbrechts zu^o Sachsen tochter / Graffen Heinrichs zu^o Northeim hinderlassen Witfraw gewesen) das Münster zu^o S. Alexander inn Eimbeck gestifftet hat. Chro. Saxo. vnnd ist diß Kloster hernach ein Nonnenkloster worden / ligt nicht weit von Hertzberge / vnnd helt jetzt hoff daselbst Hertzog Philipp von Braunschweig vnnd Gru^obenhagen.

Albertus Crantz schreibet inn Metrop. lib. 5. cap. 32. Das Hertzog Otto an der Weser vnder anderen Kindern habe gehabt