Stammbuch berümpter Fürsten, Graffen vnnd Herren Geschlechter:Seite 22

<<<Vorherige Seite Stammbuch Oder Erzölung aller namhaffter vnd inn Teütschen Historien berümpter Fürsten, Graffen, vnnd Herren Geschlechter Nächste Seite>>>
Hoppenrod Stammbuch 022.jpg
fertig
Fertig! Dieser Text wurde zweimal anhand der Quelle Korrektur gelesen. Die Schreibweise folgt dem Originaltext.


Es ist dise Herrschafft noch heüt zuo tage vorhanden / haben die Graffschafft Tecklenburg / durch eine heyraht auch einbekommen. Denn Cunradus der letste Graff zuo Tecklenburg ließ eine Tocher die freyet der Herr zuo Benthem / vnnd kriegt mit jhr die gantze herrschafft. Die statt Benthem / Northoren / Niehausen seind jr / haben jhr einkommen vom Vihe vnnd fruchtbarkeit des landes vnd andern Goettlichen nutzungen. Hamel. in descrip. Vuestphaliae.

Anna geborne Graeffin von Benthem ist Graff Ernsten zuo Hohnstein gemahel / des jetzigen Graff Volckmarn muotter gewesen.

Blanckenburg Eine herrschafft vnd stat am Hartze nit weyt von Quedlenburg / gelegen. Es seind etliche der meinung das dise Graffen anfencklich von den alten Deütschen kriegsleüten herkommen / die den Roemern etwan gedienet / vnnd von wegen der Hirschweihe / so sie inn jhrem Faenlin gefueret / Legio Cornuta genennet wurden. Welche coniectur dann nicht wenig der Herrn zuo Blanckenburg wappen bestettiget / vnnd auch der name Botho / so inn jhrem stammenbaum gefunden / denn auch Marcellinus lib. 16. des Fein Bothen oder Bayne Baudis gedencket / der ein Oberster Tribunus oder Feldthauptman Legionis Cornutae gewesen.

Anno 1147 hat gelebt Syffridus Graff zuo Blanckenburg / den hat Heinricus Leo / als er ist inn das Gelobte land gereiset zuom geferten mit sich genommen. Crantz. in Saxo. lib. 6. cap. 29.

Anno 1180 ist Graff Anno von Blanckenburg der 26 Bischoff zuo Minden gewesen / ist gestorben Anno 1185. Metrop. lib. 7. cap. 12.

Anno 1182 hat sich Keyser Friderich Barbarossa für Blanckenburg gelegt mit einem grossen heer / vnd sie eingenommen / weil es der Graff mit dem Hertzog Heinrico Leonj hielt wider den Keyser. Chro. Sax.

Anno 1241 Heinrich Graff zuo Blanckenburg / dessen soene gewesen Heinrich vnd Syffried / so Anno 1267 zuo zeügen in etlichen dotationen angezogen werden / vnd ist villeicht folgender Burckhart jr bruoder gewesen.

Anno 1261 würt gedacht Herrn Albrechts Graffen zuo Blanckenburg / dessen schwester Mechtild einen herrn zuom Arnstein gehabt.

Anno 1270 ist Hermannus ein Graff zuo Blanckenburg der 27