Stammbuch berümpter Fürsten, Graffen vnnd Herren Geschlechter:Seite 101

 

<<<Vorherige Seite	Stammbuch Oder Erzölung aller namhaffter vnd inn Teütschen Historien berümpter Fürsten, Graffen, vnnd Herren Geschlechter	Nächste Seite>>>
fertig	Fertig! Dieser Text wurde zweimal anhand der Quelle Korrektur gelesen. Die Schreibweise folgt dem Originaltext.

haben / vnd kan wol sein / das es heist der Beringer Rod / das sie es gebawet haben.

Ir Wappen seind zwen Forellen Fisch.

Anno 937 hat gelebt Ernst herr zu^o Wernigeroda / ist auff dem Thurnier zu^o Magdeburg gewesen.

Anno 1042 ist herr Heinrich zu^o Wernigeroda auff dem Thurnier zu^o Hall inn Sachsen gewesen.

Anno 1207 hat Hertzog Wilhelm zu^o Braunschweig Lichtenberg belagert / welches Graff Herman vnnd Heinrich von Wernigeroda Keyser Otten abgewunnen hatten. Da sie nu^on in der besatzung grossen hunger litten / kam Bischoff Albrecht von Magdeburg mit Landgraff Herman von Du^eringen / vnd speiseten die burg. Chro. Saxo.

Anno 1240 hat gelebt Gebhart herr zu^o Wernigeroda.

Anno 1255 hat Graff Cu^ort zu^o Wernigeroda zu^or ehe genommen Elisabeth Hertzog Hansen tochter zu^o Lüneburg. Chro. Saxo.

Anno 1261 hat Graff Gebhart von Wernigeroda etlichen Wiesenwachs am Clangenberge bey Gorßlar dem Kloster Walckerieth zu^ogewand.

Vmbs jar 1273 findet man einen herrn zu^o Wernigeroda mit namen Conrad.

Deßgleichen auch vmb das jar 1301 Albrechten / vnd Friderichen Graffen vnnd herrn zu^o Wernigerode.

Anno 1323 haben gelebt Conrad vnd Gebhart herrn zu^o Wernigerode.

Also auch Anno 1332 Friderich vnd Conrad.

Vmb das jar 1358 findet man noch einen andern Conrad.

Anno 1381 verloren die Graffen zu^o Wernigeroda einen streit / den gewan jnen ab des Bischoffs hauptman mit hu^elffe der Burger zu^o Magdeburg. Graff Cu^ort wart gefangen selb dreissigste vnd verlor in die 70 Sattelpferde / Graff Dieterich aber entkam in die Bruck Assersleben / darnach auff die Burg. Aber Bischoff Ludwig vnd die burger zogen für Bapstorff vnd gewunnen die raubkirchen vnd den festen hoff. Darnach zogen sie für Langeleben biß das Graff Dieterich sich dem Bischoff gefangen einstellet / wolt er nu^on loß sein /