Si darf mich des zihen niht (Mit originalen Lettern)

Si darf mich des zihen niht·
min h̾ze hete ſi in pfliht·
des mohte ſi die warheit an mir ſehen·
vn̄ wil ſis iehen·
ich kom ſin dike in ſo groſſe not·
dc ich den lúten gv̊ten moꝛgē bot·
engegen der naht·
ich was ſo verre an ſi v̾daht·
dc ich mich vnder wilent niht v̾ſan·
vn̄ ſwer mich grůſte dc ich ſin niht v̾ſtan·

Min h̾ze vnſanfte ſinen ſtrit·
lat den es nv menge zit·
hat wider dc allerbeſte wib·
der ie min lip·
mv̊s dienē ſwar ich iemer var·
ich bin ir holt ſwenne ich voꝛ gotte getar·
ſo gedenke ich ir·
dc gerůche ǒch er v̾geben mir·
ob ich des ſv́nde ſvle han·
zwú geſchv̊f er ſi ſo rehte wol getan·

Mit groſſen ſoꝛgen hat min lip·
gerūgen alles vmb ein wib·
ich het ein leben dc mir vil nahe gie·
dc v̾lie mich nie·
an wiſheit kerte ich minē mv̊t·
dc wc dú mīne dú noch mengē tůt·
die ſelben klage·
darvmbe ich niht an got v̾zage·
der kan den lúten helfen vs der not·
nieman weis wie nahe ime iſt d̾ tot·

Miner frowē wc ich vnd̾tan·
dú ane lon minen dienſt nan·
von der ſpꝛiche ich niht wan alles gv̊t·
wā dc ir mv̊t·
wider mich ze vnmilte iſt geweſen·
voꝛ aller not do wande ich ſin geneſen·
do ſich v̾lie·
min h̾ze vf genade an ſie·
der ich da leider fvndē niene han·
nv wil ich dienē dem der lonen kan·

Ich kom vō mīne in kumber gros·
des ich doch ſeltē ie genos·
ſwas ſchadē ich da von gewūnen han·
ſo gefrieſch nieman·
dc ich ir iht ſpꝛeche wan gůt·
noh min mvnt von frowē niemer getůt·
doch klage ich dc·
dc ich ſo lāge goteſ v̾gaſ·
vn̄ wil es iem̾ voꝛ allē dingē klagē·
vn̄ im darnach ein holdes herze tragen·