auffgerichtet werden, Sollen unndt wollen wir mit Rathe, wißen unnd willen, Rechts unndt gerichts, zu bequemer zeit, nach gelegenheit dieses Bergwercks anstellen, unndt was hirinnen nicht jetz[1] ausgetrucket, wollen wir zu notturfft unndt auffwachsunge oder zunehmunge, mehrunge des Bergwercks in kunfftiger zeit, mit gebuhrlicher undt zimblicher Bergkordenunge, wie jetzgemeldt, zustellen undt zumehren, uns vorbehalten haben, Zu mehrem glauben, steter undt vester haltung, haben wir angezeigte Graffen undt hern, unser angeborne Sigell, das wir insambt gebrauchen, vor uns, unsere Erben undt Erbnehmen, hieunten an thun hengen, der gegeben ist nach Christi unsers hern geburth, im ein Tausendt Funff hundert unndt ein undt zwantzigsten jhare, Sontags nach Viti[2].
Weil dan Wir Hochermelter Furst, ihrem unterthenigen suchen in gnaden statt gegeben. Als Confirmiren unndt bestetigen wir hiemit undt in Crafft dieses unsers brieffes, gedachter unserer freyen Bergkstatt privilegia, So viel Sie deren bis dato in geruhiglichem besitz undt gebrauch gehabt, undt herbracht, und weiter nicht, wie solches am krefftigsten unndtt bestendigsten geschehen konte oder muchte. Zu urkundt haben wir obbemelter Furst an diesen Brieff unser Furstlich insiegel wißentlich hangen laßen, undt mit eigener handt unterschrieben. Geschehen unndt geben, nach Christi unsers hern geburth, im Sechszehen hunderten und dreyzehenden jhare, am dreißigsten Monatstage Octobris[3] :/:
mp
Anmerkungen (Wikisource)
Friedrich Ulrich (Braunschweig-Wolfenbüttel): Andreasberger Freiheiten von 1613. Herzogtum Braunschweig-Lüneburg 1613, Seite 6. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Sankt_Andreasberger_Bergfreiheiten_von_1613_Seite_6.jpg&oldid=- (Version vom 6.4.2019)
