Wikisource

Seite:Sankt Andreasberger Bergfreiheiten von 1613 Seite 1.jpg

Dieser Text wurde anhand der angegebenen Quelle einmal korrekturgelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.
OBERHARZER MUSEU[M] ZELLERFELD Nº A8.[1]

Von Gottes gnaden, Wir Friederich Ulrich[2], Hertzogk zu Braunschweig unnd Luneburgk / Urkunden unndt bekennen hiemit   Demnach durch Weilandt des Hochwirdigen unndt Hochgebornen Fursten, hern Heinrich Juliußen[3] postulirten Bischoffen zu Halberstadt unnd Hertzogen zu Braunschweig unndt Luneburgk / unsers gnedigen unndt vielgeliebten hern Vaters, Christmilter gedechtnus, todtlichen abgang, S. G. unndt Ld. hinterlaßene Furstenthumb Graff: unnd Herschafft, unndt darunter auch unsere freye Bergkstatt Andreasberg[4] auff uns verstammet, unndt gefallen   Unndt dan unsere unterthanen jetzberurter unser freyen Bergkstatt S. Andreasbergk, umb Confirmation ihrer privilegien, So Sie von Weilandt dem Wolgebornen Graffen zu Honstein hern Heinrichen unndt hern Ernsten[5], seliger gedechtnus / Anno / Ein Tausendt, Funffhundert unndt ein unndt zwantzigk[6] erlangtt, unndt bishero in geruhiglichem gebrauch unndt besitz gehabt, unterthenig bey uns angehaltten welche von worten zu worten also lautet, wie hernach folgett.

Wir Heinrich unnd Ernst, gebriedere Graffen von Honstein, Hern zu Lohra unndt Clettenbergk / Bekennen vor uns undt die Wolgeborne unsere freundtliche liebe gebrudere, Erben unndt Erbnehmen, unndt thun kegen menniglichen öffentlich zuwißen   Nachdem sich durch gnade Gottes Bergkwerck uff Silber unndt ander Metall in unser Herschafft Honstein unndt Lauterbergk ereuget, welche Bergkwerge wir mit aller befreyung, wie Bergkwergks recht unndt gewonheit ist, unndt ein jedes freies Bergkwerck haben soll, begnadet unndt begabet haben.   Wollen auch diese alhier nachgeschriebene Freyheiten hiemit zugesagt unndt gegeben haben, allen unndt jeden gewercken, so sich an jeden ortten wo es einem jeden gefelligk, einleggen, Bergwercke suchen undt bawen unndt sich des gebrauchen werden, das Sie sich uff unsern Wälden zue

aller ihrer notturfft, Schachtholtz, Bawholtz, zubawen Schächte, Hütten,

Anmerkungen (Wikisource)

  1. ↑ Stempel des Oberharzer Bergwerksmuseums
  2. ↑ Friedrich Ulrich (Braunschweig-Wolfenbüttel)
  3. ↑ Heinrich Julius (Braunschweig-Wolfenbüttel)
  4. ↑ Sankt Andreasberg
  5. ↑ Heinrich XII. von Hohnstein, Herr in Klettenberg, Verweser des Eichsfeldes, und Ernst V. von Hohnstein, Herr in Klettenberg und Lohra
  6. ↑ Bergfreiheiten von 1521
Empfohlene Zitierweise:
Friedrich Ulrich (Braunschweig-Wolfenbüttel): Andreasberger Freiheiten von 1613. , Herzogtum Braunschweig-Lüneburg 1613, Seite 1. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Sankt_Andreasberger_Bergfreiheiten_von_1613_Seite_1.jpg&oldid=- (Version vom 6.4.2019)
Von „https://de.wikisource.org/w/index.php?title=Seite:Sankt_Andreasberger_Bergfreiheiten_von_1613_Seite_1.jpg&oldid=3504663“