Magdalena tagk gen Jaffa und sungen te Deum laudamus und ander Lobegesangk nach alter gewonheit und schickten alspaldt nach dem gelayt und uff montagk nach Sandt Jacobs tagk kom das gelayt und wurden dy Pilgerym uff montagk und dynstagk auß der Galeen gen Jaffa an das Landt gefuret und da dy Pilgerym uff das Landt draten so ist Vergebung von piyn und von scholden, und Jaffa ist die Stat daselbst Jonas der Prophet in eyn Schiff gedretten ist zu entweychen Gottes angesicht, und daselbst yn der Fisch verschlant und wyder an das Landt fuert, und an dem endt Jaffa hat Sand peter siyn und der andern aposteln Dynerin Tabita von dem todt erweckt, under Jaffa ist eyn steyn daruff Christus gestanden hat, und Sandt Peter gerufft hat, als er gefischt hat daselbst, ist Aplas syben Jar und syben quadragena und des Dynstag nach Jacobi gegen den abent sassen wir uff die esell und ritten nach Namat eyn gutt tutz meyl, da belyben mir über nacht yn dem feldt, den mitwoch frue sassen wir uff, und ritten gen ramath, ist auch eyn gutt tutzche myl und komen des morgenß umb dy 8 uren und fur dem flecken saßen mir abe und gingen zu dem huß das man nent zu dem Spital und Herzog Philippus von Borgony den pylgerym gekaufft und gepauet hat, und den prudern von Jerusalem befolhen hat, darnach nach mittem tag gyngen mir wyder uff der stat zu eyner Haydenyscher Kirchen, da sassen mir wyder uff die esel und rytten den tagk und wol zwo stund yn dy nacht uff 3 tutzch myl wegs von Ramath und belyben dy nacht yn dem feldt ligen, und den Donnerstagk nach Jacobi sassen mir wyder uff und ritten gen Jerusalem und under wegen uff dy recht handt kamen wir zu einem erstörten Castell genant Emaus daselbst dy zwen Jüngere Lucas und Cleophas Jesum an dem Ostertag in dem pruch des
Anonym: Reise Philipps des Jüngern nach dem heiligen Grabe. Ev. Luth. Waisenhaus, Hanau 1780, Seite 54. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Reise_Philipp_des_J%C3%BCngern.pdf/6&oldid=- (Version vom 31.8.2023)
