Item dy Armengen, handt Sandt Helena Kapelle yn, und halden iren Chor oben uff dem gewelb als man zu dem tempel in get und sind dem Babest ungehorsam und halden ein glauben für sich selbst.
Item dy Abbaschynen (Abysinier) das sind Moren aus priester Johannß Landt, und halden irn Chor als man zu dem tempel in get uff dy lenck handt und halden Sandt Thomas glauben und sind dem Babest ungehorsam.
Item die Kopytten halten iren Chor neben der Abbaschyenen und synd yetzunt nit da gewesen und glauben an Christum und an die Aposteln, und beschneyden sich und taufen sich und sindt dem Babest ungehorsam, und halden underscheydt in dem glauben.
Uff Sandt Lorenzen tagk mit dem dack gengen ezlich Bilgerym mit etlichen Barfossern in das grab unser lieben frauen, und horten Meß darin und gengen an alle dy heyligen stet uff dem berck Oliveti wye sy vorbenant sindt und neben der Kirchen da unser Herr zu Hymel gefaren ist, stet ein loch under Erden das fast dieff ist in demselben loch hat gelegen Sandt Pelagia und hat ir buß darin gethan und stet ir begreb darin, und furten uns die Heyden darin, weist man uns den flecken da das Dorff Getsymony gelegen ist, darin die 8. Apostel in waren, da Jesus gefangen ward, da ist aplas syben etc. darnach gingen wir in die stat furt man uns in das huß Pylatos und stet eyn Kapell darin, uff der stat da Got der Herr uff verurtheilt ist worden, da ist aplas von peyn und scholt und wonen heyden darin, darnach weyst man uns ein schön Kirch ist gewest Sandt Anna huß da unser Frau geborn ist worden, und mochten nit darin dann dy heyden han sy yn, durch etlich ryß
Anonym: Reise Philipps des Jüngern nach dem heiligen Grabe. Ev. Luth. Waisenhaus, Hanau 1780, Seite 71. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Reise_Philipp_des_J%C3%BCngern.pdf/23&oldid=- (Version vom 1.9.2023)
