haben in dy Welt den Kristen geloben zu predigen, da ist aplas syben etc. nit wyt davon uff dy lenck handt ist die stat da Sandt Steffan zu dem andernmal begraben ist worden, da is aplas syben etc. Darnach hynder der Kirchen ist dy stat da man das Osterlamp gepratten hat, daselbst ist aplas syben etc. herumb eyn wenigk uff dy lenck handt ist Davidt und Salomonß und der andern Künig begraben, daryn last man keyn Chrysten, dann es ist eyn heydnisch Kirchen, davor stet gezaichent mit stein, uff der eyn hat unser Herr gestanden und geprediget und uff der andern stat, hat unser liebe Frau und die Aposteln gesessen, daselbst ist aplas syben etc. Vor der Kirche monte Syon uff die lenck handt ist dy stat, da unser liebe frau pflag zu petten nach Christus hymmelfart, da ist aplas syben etc. Darnach gieng iederman essen dann es war mittagk und beschied uns darnach zu schicken den abent in den Tempel zu gen, und war uff den abent vinculi Petri und komen in den Tempel mit unterganck der Sunn mit den pruedern Barfosser ordens, und so bald ein ycklicher Bilgerym in den tempel dritt, so hat er aplas von pyn und von scholden, und wurden des erst gefuret in unser lieben frauen Kapellen, und da richten sich dy Herren zu der process und worden ein herlich loblich process gemacht und hat ein yecklicher pryster und pilgerim ein prennende Kerz in seiner Handt dy heyligen stet zu besuchen, und gingen zu dem ersten umb das heylig grab, darnach wyder in dy Kapelle da verkundt man uns den aplas und in derselben Kapelle do der Hochaltar stet, ist Jesus unser lieben frauen erschynen, da is aplas syben etc. Darnach uff dy lenck Handt in der Maur ist ein groß stück von den heyligen Kruz gelegen, und ist noch ein stück von dem heyligen Kruz da, und da ist aplaß syben etc. Darnach uff die recht Handt in der Maur stet ein groß stück von der Sul da unser Herr Got an gegayselt ist worden, daselbst ist aplas von peyn und von scholt, mitten in der Kapelle ist
Anonym: Reise Philipps des Jüngern nach dem heiligen Grabe. Ev. Luth. Waisenhaus, Hanau 1780, Seite 63. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Reise_Philipp_des_J%C3%BCngern.pdf/15&oldid=- (Version vom 1.9.2023)
