da beweint hat, da ist aplaß syben etc. Darnach aber uffwerters als der wegk uff der Stadt Jerusalem get, gegen disem weg ist dy stat da dy Juden unser lyeben frauen leichnam wolten nemen, als die zwelfpoten den zu dem grab tragen wolten, und welche dy gar angryffen, dy wurden lam und wann sie sich bekanten und die par wider angriffen, so worden sy gesunt, da ist aplaß syben etc. Darnach giengen mir ein wenigk fur pas weist man uns ein zuprochen Huß, darin dy Juden Rat gehalten haben, wye sy Christus töden wolten, darnach weist man uns uff einen andern perck, da zeigt man uns das Huß da Salomon dy weiber hat gehat, darnach gieng ein yeder essen und ruen, wann es war mittagk, darnach am sambt tag gingen mir wider dy heyligen stet zu besuchen, zu dem ersten weyst man uns dy stat da Jesus den dreyen Marigen am Ostertagk erscheyn, da ist aplas syben etc. Darnach zeyget man uns ein Kirchen zu Sandt Jacob genant, darinn ist ein Byschoff und haben die Armengen (Armenier) yn, daselbst ist Sandt Jacob der grösser seyn haup abgeschlagen worden, daselbst ist aplas von peyn und von scholt, darnach gengen mir in ein Kirchen ist gewesen Annas Hauß, und han die Armengen in und in demselben Hauß ist Jesus hart geschlagen worden, daselbst ist aplas syben etc. Darnach gengen mir in den Tal Syloe zu einem loch fast tieff in der erden, stet ein prunn darus Maria Jesus sein windeln geweschen hat, wann sy Jesus in den Tempel opfern wolt, daselbst ist aplas syben etc. Darnach uff dy recht hand sieht man den Riss der gerissen ist, da Got der Herr starb, darnach zu dem wasser, das man nent das Natatorium, da Got der Herr den plinden überschickt, dy Augen daraus zu waschen, da er in gesechen het gemacht, daselbst ist aplaß syben etc. Darnach gengen mir zu der stat da stet ein paum, daselbst Isayas der prophet mit einer holzen säg zu schnitten haben, da ist aplas syben etc. Darnach gengen mir zu dem loch da dy echt
Anonym: Reise Philipps des Jüngern nach dem heiligen Grabe. Ev. Luth. Waisenhaus, Hanau 1780, Seite 61. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Reise_Philipp_des_J%C3%BCngern.pdf/13&oldid=- (Version vom 1.9.2023)
