herzog Augusti cantzlers diener inn seynns hern geschefften vor Michel Kuchelers thure durch eynen mit blosser weere angetastet wurdenn und wan derselbte arme diener auch nicht entlauffenn, were er auch unvorsehens beschediget wurden.
Zcum sechstenn hat der itzige zcolner pfingsten vorgangen als eynn diener der schutzen ufn abent mit seynem weibe awß Anthonien Dorlers hawse anheym in dy Grossenn Brudergassenn gehenn wollenn unnd vor Schreyfogels hawß kommenn, ist eynn edelmann mit eynnem knechte alda gestandenn, des zcolners weip ergriffenn unnd hinwegk fwhren wollen. Do hat die fraw geschrien und ime entlich entlauffenn. Doran derselbte nicht gesettiget, sondernn dem zcolner nachgefolget, mit schwert und scheiden uff ihnn geschlagenn, das er ime zcum andern mahle entlauffen mussen. Doran nicht gesettiget, sondernn ferner nachgeeilet, dem zcolner die hawßthure auffstossenn wollen, und do er solchs nicht thun konnen, ist er furder gegangen, Thomas Hornige eynnen burger awßgeheischen, inn deme ime e. ch. f. g. bassist der Beheme begegenet, uff denn er auch geschlagenn, das er ime entlauffenn mussenn. Letzlich ist er zcu Michel Ortwindt kommen, ihnn auch awßgeheischen und die thure awffstossenn wollen, wie dan derselbte edelmann dem zcolner beckant ist unnd wissenschafft hat, in wes dinste er ist.
Zcum siebendenn hat ßichs ferner zcugetragenn, das eynn geselle ufn abent ubern Marckt gangenn unnd als er nahend beym rathawse gewesenn, ist ime eyn rewtter begegenet, ihnen gefraget, wer die weren, so dohmals ufm schlitten gefahrenn, unnd do der geselle ihnen beantworttet, er konte ihnenn des nicht berichtenn, dann er kennete der lewtte nicht, doruff alßbald derselbte rewtter ihnen mit grewlicher gotslesterung angefaren, wendet ßich unnd hat denn armen gesellenn als eynen weerloßenn menschen rucklich ufn kopff gehawenn unnd loufft darvon.
Zcum achtenn hat unser stadrichter uff bevehlich e. ch. f. g. stadthalters das Naw Thor offenen und Melchiar Hawffen hereynn lassenn sollen, unnd als genanter unser richter umb zeehen hor ungeferlich durch die Stockgassen gangen, ist ime uff etlicher lewtte antzaigung vormeldet wurdenn, das alda eynn armer geselle seer gehawen und zcum balbirer gefwhret sei wurden. Das ßich dan
divers: Mitteilungen des Vereins für Geschichte Dresdens. Viertes Heft. i. A. des Verein für Geschichte und Topographie Dresdens und seiner Umgebung, Dresden 1883, Seite 10. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Heft04VereinGeschichteDresden1883.pdf/16&oldid=- (Version vom 19.5.2023)
