Nemlich unnd zcum ersten hat unlangst e. ch. f. g. schosser alhie ufnn abent seynnen amptschreiber e. ch. f. g. sachenn, wie wir nicht anders wissenn, awßtzurichtenn inn die stadt zcu gehenn abgefertiget unnd do er inn die Elbgassen kommen, ßeynnd ime zcwene reyßige knechte begegenet, under welchenn der eynne underm rocke eynn bloß messer getragenn, unnd do genanter amptsschreiber solches gewahr wurdenn, ist er vonn ihnenn ubir die Katzpach[1] gewichenn; doruff ime derjenige, so die blosse weere gehapt, nachgefolget, uff ihnen geschlagen, unnd hat sich dohmals der amptschreiber mit der latternen, so er furgeworffen, wie er gemocht geschutzet, bissolange zcweene koche vonn hofe kommenn, zcu welchen er zcuflucht gehapt. Ane das hette er unbeschediget nicht vonn ihnen kommen mogenn.
Zcum andernn seynnd etliche vor e. ch. f. g. cantzlei auch bei abents kommen, die cantzelschreiber ane ursach awßgefordert unnd ob woll derwegenn inn dy zcwelff goltschmidtgesellen, widder dy man vormuttung gehapt, gefengklich eyngezcogenn, so ßeynnd doch dieselbtenn unschuldigk befunden, derhalben man auch nach diese stunde nicht wissen kann, were solche awsforderung gethann habe. Gleichergestalt seyndt gedachte e. ch. f. g. cantzelschreibere uf eynen abent awß Joachim Fawstes hawse gegangenn, do hat sich abermals eynne rotte vor derselbtenn thure ann ßie geleget, also das kawm widder inns hawß unbeschediget entweichenn mogenn.
Zcum drittenn kommen wir in erfarung, das der herr doctor Kommerstadt seynnen diener ufn abent bei liechte zcu herr Ernstenn vonn Miltitze geschickt habenn solle und do derselbte diener widderumb nach awßrichtung seynes hern bevehlichs von Miltitze durch das Enge Geßlein gegangenn, ist alda auch eyner mit blosser weere gestandenn und nach ime dem diener gestochenn und gar wenig abetroffenn, das er denn armen diener nicht uff der stelle erstochenn, und hat dohmals der diener gesehen, das derselbte, welcher aldo mit blosser weere gestandenn unnd uff ihnn gestochenn, eynne guldene keetten am halse getragen.
Zcum funfftenn[2] ist ebenn dieselbte zceit unsers gnedigen hernn
divers: Mitteilungen des Vereins für Geschichte Dresdens. Viertes Heft. i. A. des Verein für Geschichte und Topographie Dresdens und seiner Umgebung, Dresden 1883, Seite 9. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Heft04VereinGeschichteDresden1883.pdf/15&oldid=- (Version vom 18.5.2023)
