|
Eucharius Rößlin: Der Swangern frawen vnd hebammen roszgarten |
|
|
Wir Maximilian von gottes gnaden Erwölter Römischer keiser / zu allen zeyte merer des reichs in Germanien / zu Hungern / Dalmacien Croacien etc. Künig / Erzherzog zu Osterich / Hertzog zu Burgunde / zu Braband / vnd Pfaltzgraff etc. Bekennent Als der Ersam vnser vn des Richs lieber getrüwer Eucharius Rößlin doctor der Erzney / Erlich tractat vnd bücher / dem gemeinen nutz / Vn sunderlich den schwangern frawen vnd iren neugeboren kinden zu fürdrung vnn güttem gemacht / vnd trucken vnd vßgon zu lassen willens ist / Das wir im demnach dise besunder gnad vnd fryheit gethon vnd gegeben haben / thun vnd geben ime die auch hie mit wissentlich in krafft diß brieffs / Also das niemands in was wurden / stands oder wesens der sey /die selben bücher In sechs iaren den nechsten nach datun diß vnsers keyserlichen brieffs volgend / die nit nachtrucken. Vnd ob die vsserthalb des heiligen Reichs vn in frembden Nationen / teutschen oder andren zungen getruckt würdent / Die selben in dem heiligen reich nit feyl haben / verkaufen oder vertreiben solle. Vnd gebieten daruff allen vnd yeglichen Churfürsten / Fürsten / geistlichen und weltlichen Prelaten / Grauen / Fryen / Herren / Rittern / Knechten / Hauptlüren / Vitztumben / Vögten / Pflegern / Verwesern / Amptlüten / Schultheissen / Burgermeistern / Richtern / Reten / Burgern / Gemeinden / Vnn sunst allen andren Vnsern vnd des Reichs vnderthonen vnd getrüwen / in was würde / stadts / ob wesens die seyen / ernstlich mit disem brieff / Vnn wöllend das sie den genanten doctor Eucharius / by solcher vnser fryheit handthaben / schützen vnd schirmend / Und die berürten bücher dar vber nit trucken / feyl haben / oder verkauffen lassen / Solichs auch
Eucharius Rößlin: Der Swangern frawen vnd hebammen roszgarten. Steyner, Augsburg 1513, Seite 3. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Der_Swangern_frawen_vnd_hebamme_n_roszgarte_n.pdf/9&oldid=- (Version vom 10.3.2024)
