Seht an die wūneklichē zit
[385r]
Seht an die wūneklichē zit·
dú mit ſpilnder guͤte·
gelfe roſenhuͤte·
bꝛingen aber ſol·
dú heide in liehter varwe lit·
vō des meien bluͤte·
froͤiderich gemvͤte·
zimet den ivngē wol·
zieren kan ſich dc gevilde·
gruͤne ſint berge vn̄ tal·
da dú liebe nahtegal·
vn̄ dú lerche wilde·
ſanges ein vnbilde·
ſchellent vber al·
Meien blůt·
hohgemv̊t·
ſendeſ h̾zen ſinne mīneklichen tůt·
Geblvͤmet ſchone ſtet d̾ plan·
da von wil ich koſen·
vs der velſe kloſē·
bꝛv̄nen klingent da·
man ſiht dvrh gruͤneſ gras vf gan·
gelwe ziteloſen·
bi den rotē roſen·
glentzent viol bla·
durh die ſwarze doꝛne lachet·
wiſſú blv̊t vil manicvalt·
die ſehs varwe treit d̾ walt·
der vō doͤnen krachet·
vn̄ vs lǒbe machet·
kleider wol geſtalt·
Meiē blůt·
hohgemv̊t·
ſendeſ h̾zen ſinne mīneklichen tůt·[WS 1]
So wol dem māne d̾ nu ſi·
vꝛo vō wibes mīne·
dem wirt vſſe vn̄ inne·
wūnē vil bereit·
wan im der b̾nden bǒme zwi·
grůnet nach gewīne·
dc im ſine ſinne·
machet vil gemeit·
lieb nah herzeliebe denket·
vn̄ midet leidē pin·
ſo dú blůt ir gelfen ſchin·
ſinē ǒgē ſchēket·
vn̄ dú lerche klenket·
in dc oꝛe ſin·
Meien blůt·
hohgemv̊t·
ſendeſ h̾zen ſinne mīneklichen tůt·[WS 2]