Rife vnd anehank

Textdaten
Autor: Gottfried von Neifen
Illustrator: {{{ILLUSTRATOR}}}
Titel: Rife vnd anehank
Untertitel:
aus: UB Heidelberg 38v
Herausgeber:
Auflage:
Entstehungsdatum: 13. Jahrhundert
Erscheinungsdatum: Vorlage:none
Verlag: Vorlage:none
Drucker: {{{DRUCKER}}}
Erscheinungsort:
Übersetzer:
Originaltitel:
Originalsubtitel:
Originalherkunft:
Quelle: UB Heidelberg
Kurzbeschreibung:
Mit aufgelösten Lettern. Vergleiche auch Rife vn̄ anehank in Originallettern.
Wikipedia-logo-v2.svg Artikel in der Wikipedia
Eintrag in der GND: {{{GND}}}
Bild
[[Bild:|250px]]
Bearbeitungsstand
korrigiert
Dieser Text wurde anhand der angegebenen Quelle einmal Korrektur gelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.
Um eine Seite zu bearbeiten, brauchst du nur auf die entsprechende [Seitenzahl] zu klicken. Weitere Informationen findest du hier: Hilfe
[[index:|Indexseite]]

[38v]

Rife vnd anehank·
hat die heide betwngen·
dc ir liehter schin·
ist nach iamer gestalt·
vnd der vogel sang·
die mit froͤiden wol svngen·
die sint nv geswin·
dar zv̊ klage ich den walt·
der ist vmbekleit·
dan noch kan si fuͤgen·
herzeleit·
dú dc wasser in krvͤgen·
von dem brvnnen treit· nach der stet min gedank·

Ich brach ir den krůg·
do si gieng von dem brvnnen·
ich wart froͤidenriche·
do ich die lieben sach·
da si dc vertrv̊g·
mir wc sorge zerrvnnen·
harte minnenkliche·
dú liebe do sprach·
ich han erebeit·
dc ist von iwern schvlden·
min frowe tv̊t mir leit·
dc ich alles mv̊s dvlden·
dú mich gester fúnf stvnt dvr úwern willen slv̊g·

Nv tv̊ den willen min·
so hilfe ich dir vs noͤten·
vnd var sant mir hinne·
so bist dv ane zorn·
des en mag niht sin·
ê· liesse ich mich ertoͤten·
miner frowen minne·
were iemer me verlorn·
einen schilling sol·
si mir vnd ein hemede·
dc weis ich vil wol·
dc were alles mir fremede·
so mir dc nv wirt so tv̊n ich iv helfe schin·