Nv iſt mir ab̾ leide
[317r]
Nv iſt mir ab̾ leide·
dc vnſer ǒgēweide·
die blv̊mē an d̾ heide·
dē wint̾[WS 1] niht kv̄nen voꝛ geſten·
die ſint klageb̾e·
noh dulde ich eine ſw̾e·
da zv̊ bin ich vnm̾e·
einē [317v] wibe dc mv̊s mir nahē gen·
dc iſt nv d̾ dꝛitte wint̾ den ich han geſvngē ir minē ſang·
wil ſi dc iſt zelang·
ſit ich mit trúwē ie nah ir huldē rang·
Weſſe ich wa ich ſvnge·
da mā mich dike dꝛvnge·
vn̄ mir wol gelvnge·
da vund ich noh niwes eteſwas·
wc mag ich nv vīdē·
den wiſen vn̄ dē kindē·
dú milte wil v̾ſwindē·
dar vnd̾ ſoſt min froͤide las·
gebē mir die h̾ren mer ſo moͤht ich wol volendē den willē min·
leid̾ ſvs mv̊s ich ſin·
lange v̾ſvmet ich meine ein[WS 2] vꝛowelin·
Nv ſihe ich an ir mv̊te·
geb ich ir ī ir hv̊te·
eine vehe chv́rſen gv̊te·
ſi lieſſe ſich gar vf minē eit·
ê ich die gewīne·
ſo han ich gar die ſīne·
v̾loꝛn vmb ir mīne·
beſvnd̾ iſt dc min h̾zeleit·
ſwc ich diſen wīter mit geheiſſe mag erw̾ben vn̄ al dc iar·
nimet min ir gvͤte war·
vn̄ ir genade dc gib ich alles dar·
We wc wil ſi m̾e·
dú ſchone niht zehere·
mag ſi dvr ir ere·
mir lazē noch vō ir geſchehē·
ſold ichs vmbevahē·
ſo w̾e ic froͤide nahē·
min ǒgē nie geſahē·
ſo lieb alſ ſi da ſoldē ſehē·
wie ſere ich des engilte dc ich klein gv̊t gewīne dc iſt mir leit·
dike ſi mir v̾ſeit·
da vō ich lide vil ſend̾ arbeit·
ICh enwil niht twingē·
ich ſol gevv̊ge ſingē·
nach ir genadē rīgen·
die lange min hze hat erkoꝛn·
ich hoꝛte ie dc ſcheltē
mit vnfůge geltē·
da vō ich ſchilte ſeltē·
ich fúrhte d̾ vngefuͤgē zoꝛn·
ich wil noh vō blv̊mē ſingen dvnket es gefvͤge vn̄ alle reht·
froͤlichē ſol d̾ kneht·
húre aber reigē ir iv̄gen da beſeht·