Nv ſint die liehtē lange ſum̾tage

Nv ſint die liehtē lange ſum̾tage·
mir ab̾ ane froͤide hin geſcheidē·
was hilfet das ich ſenden kumb̾ clage·
der liebē dú mich lat ī ſenden leidē·
doch mv̊s ir mīneklich̾ ſchin·
voꝛ allē wibē·
in minē h̾zen húte vn̄ iem̾ ſin·
o we ſol ich niht fro bi ir beliben·

Wil dú vil here dc ich vꝛo beſte·
ſo ſol ir rot̾ mūt mir guͤtlich lachen·
dc vō getrúwes h̾zen grunde vf ge·
ſo wirt erloſt min h̾ze vs ſendē ſachē·
beſchiht^{[WS 1]} des niht owe der not·
ſo mv̊s v̾ſwindē·
min hoher mv̊t iſt vn̄ froͤide tot·
dc niht erget ſol ich genade vinden·

Do ich die mīneklichē erſt an ſach·
do bꝛan ir munt dc ſich min h̾ze enzunde·
da vō ſo lide ich ſendes vngemach·
dc hat gew̾t da h̾ vil lange ſtunde·
vn̄ wirde ǒch niemer me geſvnt
vō mīne wūden·
mich heile dāne ir roſe rot̾ mv̄t·
deſ kus hilft mir vn̄ and̾s niht geſūdē·

Anmerkungen (Wikisource)

1. Vorlage: beſcht.