Mit manig̾ hande varwe miſchet
[257r]
Mit manig̾ hande varwe miſchet·
ſich dú heide vn̄ ǒch der plan·
da bi min h̾ze in leide erhiſchet·
ich bin aller froͤiden an·
alle die wile vntze an den tag·
dc ich der lieben ſelhe mêre·
vn̄ mine ſw̾e enbieten mag·
Owe ſol ich vntz an min ende·
dienen dc irs niemā ſeit·
wer iſt d̾ botte den ich ſende·
der mit trúwē minú leit·
miner frowen kvnne geſagē·
mvͤſ d̾ ſin vō tútſchē landen·
vf den handē· wolt ich in tragen·