Kv́ng herre hoch gelopter got· was dv vermacht

Kv́ng herre hoch gelopter got· was dv vermacht·
dv lúchtest mit dem tage vnd finsterst mit der nacht·
da von dv́ welt vil froͤide vnd růwe hat
kv́ng aller eren dir noch nie gebrast
wie den tag dv zierest mit der svnnen glast·
vnd ǒch dv́ nacht dins manen liecht wol stat·
dv bernst himel mit den stern·
din schonheit iemer mag gewern·
dv hast ze geben gabe vil der nicht zer gat·

IRs man kron ist das vil reine wip·
iemer in wol eret ir wol werder lip·
er selig man dem dv́ gůte si beschert·
der mag svnder zwiuel· mit ir sin iar·
willeklich ver triben· stille vnd offenbar·
er sich mit ir sv́nden vnd schanden wert·
mit hoher stet ist si bedacht·
ir liecht sv́r loͤschet nit in nacht·
ir hohes lop mit der meiste menge vêrt·