Jch ſas vf einer gruͤne

Jch ſas vf einer gruͤne·
vn̄ gedahte an māger hande ding·
wie ich die w̾lt behielte vn̄ ǒch gegē gotte icht wurde ling
ich konde niht erdenkē dc·
dc mir iht doͤhte vf ſolher hande ger·
ich wart bloͤde vn̄ kuͤne·
vō gedankē der ich vil v̾ſchꝛiet·
von d̾ w̾lte dúgge· mī kintheit mir die witze riet·
dc niemā vf d̾ erē ſatz
kvmt ane gv̊t· deſwart mī h̾ze ſwere·
ich ſtrafte frǒwē eren·
ich ſpꝛach ir ſit ein kranke magt· lat ir ſchaz v̾kerē
ſi ſúfte vn̄ ſp̋ch dú tvmmer
ſchaz d hat mich vb̾ wegen·
wā mag mī wol mit ſchatze pflegē·
ſchaz ane tvgent deſt gegē mir ein kvmmer·

Naturē kraft erſchinet·
wol an dē vogel volita·
kein ſer noch kein ſw̾e noh kein leit kvmt da·
alſo dc er lide not dc er die krone voꝛ allē vogeln treit·
d̾ tot in niht pinet
als vns dv́ ſchꝛift ſagt offenbar·
ſin lip voꝛ tode iſt froͤmde· die ved̾n w̾dent blv̊tigvar·
als die gotheit· wart nie mat·
dú mēſcheit ſtarb· an kriſt dvrh vnſˢ leit·
ſit gotheit mēſcheit fůrte·
dú mēſcheit ſtarb ſo dc der tot die gotheit nie berůrte·
dc wc eī michel wūder
dc vatt̾ ſvn geiſt wc eine ſtrike·
vn̄ doch niht wā ein̾ leide iam̾ ſpike·
d̾ tǒgē ſchos tůt die valſchen vnd̾·