In weis niht was es mich hat veruangen

IN weis niht was es mich hat veruangen·
das ich fůr^{[WS 1]} von dem lande vert^{[WS 2]}·
zeinem heiligen dar kam ich gegangen·
seht der ie den man gewert·
einer bette so zestunt·
den bat ich dc er die mine swere
tête miner frowen kvnt·

Min frowe weis niht leider miner swere·
die si mir langer stunden tůt·
enbutte ich irs es were ir lihte vnmere·
si hat so tugentrichen mv̊t·
in wil ir ere niht anders gern·
wan dc si mir steter froͤiden gv̄ne
des sol ir guͤte mich gewern·

Nv solt ich ir vil liebú mêre enbieten·
nv enweis ich bi weme·
so das ir ere da von sich niht verschrieten·
vnd mir zebotten zeme·
nv wil ich mich an nieman lân·
ich wil ir disú liet zebotten senden·
si mag sich selber wol verstan·

Anmerkungen (Wikisource)

1. Vorlage: vernt.
2. Vorlage: fůr.