In geſach die heide (Mit originalen Lettern)

IN geſach die heide·
nie bas geſtalt·
an liehter ougen weide·
den gruͤnē walt·
bi den beiden kieſen wir den meien·
ir megde ir ſvnt úch zweien·
gegē dirre ſchonē ſvmer^{[WS 1]} zit ir wol gemv̊tē leien·

Lob von mangē zvngē·
der meie hat·
die blv̊mē ſint entſpꝛvngē
an manig̾ ſtat·
da man húre dekeinē kvnde vindē·
gelǒbet ſtent die lindē·
es hebt ſich als wirs hant v̾nomē ein tanz vō húbſchē kīdē·

Die ſint ſoꝛgē ane·
vn̄ froͤidenrich·
ir megde wol getane·
vn̄ minnēklich·
ir zierent úch dc úchs die peier dankē·
die ſwaben vn̄ die franken·
ir pꝛiſēt úwern ſtolzen lip mit ſiden vf die lanken·

War vf ſolt ich mich zafen·
ſo ſpꝛach ein magt·
die húbſcher ſint entſlafē·
vn̄ gar v̾zagt·
zvht vn̄ ere iſt al der welte vnmere·
die man ſint wandelbere·
ir keiner wirbet vmb ein wib der er getúret were·

Die rede tv̊ dv gehaldē·
ſpꝛach ir geſpil·^{[WS 2]}

---

der ich da gerne diene·
gv̊tes gib^{[WS 3]} ich ir die wal·
Rv́wental·
ſi ir eigen dc iſt min hohú ſiene·^{[WS 4]}

Anmerkungen (Wikisource)

1. Vorlage: fvmer.
2. Unvollständig. Nach Pfaff fehlen ab hier 23 Strophen (2 Blatt).
3. Vorlage: gibe.
4. Rest von Strophe 172 (neues Lied).