Ich hoꝛte ein merlikin wol ſingē

Textdaten

Autor:	Ulrich von Gutenburg
Illustrator:	{{{ILLUSTRATOR}}}
Titel:	Ich hoꝛte ein merlikin wol ſingē
Untertitel:
aus:	UB Heidelberg 74v und UB Heidelberg 75r
Herausgeber:
Auflage:
Entstehungsdatum:	13. Jahrhundert
Erscheinungsdatum:	Vorlage:none
Verlag:	Vorlage:none
Drucker:	{{{DRUCKER}}}
Erscheinungsort:
Übersetzer:
Originaltitel:
Originalsubtitel:
Originalherkunft:
Quelle:	UB Heidelberg und UB Heidelberg
Kurzbeschreibung:
In Originallettern. Vergleiche auch Ich horte ein merlikin wol singe mit aufgelösten Lettern.
Artikel in der Wikipedia
Eintrag in der GND: {{{GND}}}
Bild
[[Bild:\|250px]]
Bearbeitungsstand
korrigiert
Dieser Text wurde anhand der angegebenen Quelle einmal Korrektur gelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.
Um eine Seite zu bearbeiten, brauchst du nur auf die entsprechende [Seitenzahl] zu klicken. Weitere Informationen findest du hier: Hilfe
[[index:\|Indexseite]]

[74v]

Ich hoꝛte ein merlikin wol ſingē·
dc mich dvhte der ſvmer wolte entſtan·
ich wene es alder w̾lte froͤide ſol bꝛīgē·
wan mir einē mich entriege min wā·
ſwie min frǒwe wil ſo ſol es mir ergan·
der ich bin zallen zitē vnd̾tan·
ich wande ieman ſo hete miſſetan·
ſv̊cht er genade im ſolte gelingē·
dc mv̊s leid̾ an mir einen zergan·

Wie ſol ich minē dienſt ſo zâfen·
dē ich lange mit trúwē han getan·
ich bin leider ſere wunt ane waſen·
dc habent mir ir ſchoͤnú ǒgen getan·
dc ich niemerme geheilen kan·
es enwelle der ich bin vndertan·
wie ſol ein ſo v̾doꝛben man·
ich wene an ir iſt genade entſlaffen·
dc ich ir leider niht erweken kan·

Ich wil iemer weſen holt minē mv̊te·
dc er ie ſo nach ir mīne geranc·
Hete ich fvnden deheine ſo gv̊te·
Danach kerte ich gerne minen gedanc·
ſi ſchv̊f dc ich mich froͤiden vnderwant·
die ich han mir zeiner frǒwen erkant·
ich was wilde ſwie vil ich doch geſanc
ir ſchoͤnú ǒgen· dc waren die růte
damitte ſi mich vō erſt betwanc·

Ich wil iemer mir genadē belibē·
ſi mv̊ſ ſv́nde ane ſchulde an mir began·
ſi kan mich niemer anders von ir v̾triben·
ich enwelle habē gedingē vn̄ wā·
[75r] dc dú trúwe hoher ſolte gan·
danne vnſtete der ich gůtes v̾ban·
ſwa man weſte einen valſchaften man·
der ſolte vnw̾den allē gv̊ten wibē·
ſo mohte man in an ir pꝛiſe geſtan·

Ich wil niemer dvr minē kvmb̾ v̾midē·
ich enſinge des alleine ſwies mir ergat·
vn̄ wil gerne ſolhe not iemer lidē·
div vō mīnen mir ſo nahe gat·
ſit min lib an dem zwiuel ſtat·
dc min leider niemer kan w̾den rat·
ane div mich ſo betwungen hat·
ſol nu min froͤide zergā vō der pliden·
dc iſt ir ſv́nde vn̄ gros miſſetat·

Vs minē ǒgē dc iſt ein wund̾·
von dem h̾zen dc waſſer mir gat·
als ich gedenke dc mich her vnder·
al min kvmb̾ vn̄ min dieneſt niht v̾uat·
den ie deheī man gewan oder hat·
ſit mir min gemvͤte alſe ſere ſtat·
betwūgē dc ſi mine ſele niht lat·
des mv̊s ich von der w̾lte beſvnder
vn̄ vō ir hvlden ſcheiden dvr die getat·